Aks 15:36 - Di Jamiekan Nyuu Testiment

³⁶ Som taim afta dat Paal se tu Baanabas se, “Mek wi go bak go luk fi di breda an sista dem iina aal a di toun dem we wi did priich Gad wod go si ou dem a du.”

Aks 15:36 ပူးပေါင်းရင်းမြစ်များ

Matyu 25:36

Mi neehn av aan no kluoz an unu gi mi kluoz fi put aan. Mi did sik an unu tek kier a mi. Mi did de iina prizn an unu kom luk fi mi.’

Matyu 25:43

Unu neehn nuo mi an unu neehn tek mi iin wen mi did kom mongks unu. Mi neva av aan no kluoz an unu neehn gi mi non fi put aan. Mi weehn sik, mi did de iina prizn an unu neehn kom luk fi mi.’

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 13:4

Di Uoli Spirit sen out di tuu a dem an dem lef go dong a Siluukiya an fram de-so dem siel go Saipros.

Aks 13:51

So Paal an Baanabas shiek aaf di dos aafa dem fut fi mek dem nuo se Gad no api wid dem an im a-go joj dem. Den dem go we go a Aikoniyom.

Aks 14:1

Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 14:21

Dem priich di gud nyuuz iina Dorbi an uol iip a piipl biliiv iina Jiizas. Den dem go baka Lischra, Aikoniyom, an Antiyak

Aks 14:6

Paal an Baanabas fain out wa dem did a plan fi du an ron we go a Lischra an Dorbi iina Likuoniya an di dischrik dem nier de.

Aks 7:23

“Wen Muoziz ton faati ier uol, im mek op im main fi go luk fi fi'im piipl, di Izrel piipl dem.

Ruoman 1:11

Kaaz mi lang fi si unu so dat mi kyan shier wid unu som a di sitn dem we Gad Spirit shuo mi. Mi waahn fi shier dem wid unu so dat mi kyan elp unu fi gruo chrang an biliiv iina Gad muor an muor.

2 Korintiyan 11:28

A nof sitn mi naa tel unu bout, bot pan tap a aal a dat, evridie mi wori bout aal a di choch dem. Mi wori so til mi aat evi.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

1 Tesaluoniyan 3:6

Bot nou Timoti kom bak kom gi wi gud nyuuz bout ou unu stil biliiv iina Jiizas chrang chrang an ou unu lov Gad tu. Im tel wi se unu eva a tingk bout wi iina som gud wie, an ou unu lang fi si wi jos laik ou wi lang fi si unu.

2 Timoti 1:4

Mi memba ou yu did baal an it mek mi waahn fi si yu. Kaaz mi nuo se ef mi si yu mi wuda api.