Aks 15:35 - Di Jamiekan Nyuu Testiment

³⁵ Bot Paal an Baanabas tan a Antiyak an tiich an priich Gad wod. An nof muor tiicha an priicha did iina di choch.

Aks 15:35 ပူးပေါင်းရင်းမြစ်များ

Aks 12:25

Afta Baanabas an Saal don wa dem did go a Jeruusilem fi du, dem lef an tek Jan Maak wid dem.

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 14:28

An dem tan wid di piipl a Antiyak we biliiv iina Jiizas fi wan lang taim.

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Aks 8:4

Di biliiva dem we did get skyata skyata priich di Gud Nyuuz bout Jiizas evriwe dem go.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.