Aks 15:33 - Di Jamiekan Nyuu Testiment

³³ Afta Juudas an Sailas spen kopl wiik wid dem, di choch piipl dem prie fi Gad bles dem an mek im piis protek dem an sen dem bak tu di liida dem iina Jeruusilem we did sen dem kom Antiyak.

Aks 15:33 ပူးပေါင်းရင်းမြစ်များ

Maak 5:34

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 16:36

Di waadn tel Paal se, “Di ruula dem sen aada fi mi let unu go. So unu frii fi go nou, so gwaan iina piis.”

1 Korintiyan 16:11

No mek nobadi luk dong pan im ar chriit im laik se im a notn. Unu mos elp im fi gwaan go wich paat im a-go iina piis, kaaz mi a luk fi im an di res a breda dem we a du Gad wok, fi kom bak tu mi.

Iibruu 11:31

Rieyab we did sliip wid man fi moni, shi neehn ded wen di piipl dem we neva lisn Gad did a ded aaf. Shi neehn ded kaaz shi did chos iina Gad, an wen di chrienja dem kom fi spai out di siti, shi did tek dem iina ar ous an aid dem.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.