Aks 15:22 - Di Jamiekan Nyuu Testiment

²² Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 15:22 ပူးပေါင်းရင်းမြစ်များ

Aks 1:23

So di biliiva dem kaal out tuu sumadi niem, wan a did Juozif we dem kaal Baasabas ar Jostos, an di ada wan niem Mataiyas.

Aks 11:19

Afta di Juu dem kil Stiivn, sofarieshan tek di piipl dem we biliiv iina Jiizas an kaaz som a dem fi get skyata skyata. Dem skyata go klier a Foniisiya, Saipros, an Antiyak, an evriwe dem go dem priich di gud nyuuz, bot a onggl di Juu dem wan dem did a priich tu.

Aks 11:20

Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 11:22

Nyuuz bout wa did a apm iina Antiyak riich di piipl dem iina Jeruusilem we biliiv iina di Laad, so di liida dem sen Baanabas go a Antiyak.

Aks 11:27

Roun dem siem taim de som prafit fram Jeruusilem kom dong a Antiyak.

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:25

So aal a wi mek op wi main fi pik som man an sen dem tu unu wid wi gud gud fren dem, Baanabas an Paal.

Aks 15:27

So wi a sen Juudas an Sailas wid dem fi tel unu wid dem uona mout di siem sitn wa wi rait iina da leta ya.

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 15:30

So afta dem sen aaf di man dem, dem go a Antiyak, gyada op aal a di piipl we biliiv iina Jiizas, an gi dem di leta.

Aks 15:32

Juudas an Sailas a did prafit tu so dem taak nof sopm we elp fi mek di piipl we biliiv iina Jiizas get chrang iina wa dem biliiv.

Aks 15:40

bot Paal pik Sailas an lef out afta di biliiva dem prie an aks di Laad fi tek kier a dem.

Aks 16:19

Bot wen ar maasta dem si se dem naa go kyaahn mek no muor moni aafa ar, dem grab Paal an Sailas an jrag dem go a di maakit plies infronta di joj dem.

Aks 16:25

Roun migl nait Paal an Sailas did a prie an a sing priez tu Gad, an di ada prizna dem did a lisn.

Aks 16:29

So di waadn kaal tu sumadi fi gi im wan lamp. Im buolt iina di prizn, fling dong imself a Paal an Sailas fut a chrimbl.

Aks 17:10

Wen nait kom di breda an sista dem sen we Paal an Sailas siem taim go a Beriya. Wen dem riich de, dem go a di Juu dem choch.

Aks 17:14

Den siem taim di breda an sista dem sen we Paal go a sii, bot Sailas an Timoti tan a Beriya.

Aks 17:4

Som a di Juu dem biliiv wa Paal did a se a chuu, so dem jain Paal an Sailas, som uol iip a Griik piipl we worship Gad an nof uman uufa ozban dem a did tap-a-tap man.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 8:14

Wen di apasl dem iina Jeruusilem ier se di piipl iina Samieriya biliiv an staat fala Gad wod, dem sen Piita an Jan tu dem.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.