Aks 15:2 - Di Jamiekan Nyuu Testiment

² Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Aks 15:2 ပူးပေါင်းရင်းမြစ်များ

Gyalieshan 2:5

Bot wi neva gi iin tu dem — no iivn fi a likl. Wi neva du wa dem waahn kaaz wi did waahn fi mek shuor se unu gwaan biliiv di chuu mesij bout Jiizas we wi did tiich unu.

2 Korintiyan 11:5

Mi no tingk se fi unu “big apasl” dem beta dan mi.

Aks 15:4

Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 11:30

Dem sen di moni wid Baanabas an Saal go gi di choch liida dem a Jeruusilem.

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.

1 Korintiyan 1:1

Da leta ya a kom fram Paal, di wan we Gad pik fi bi wan a Jiizas Krais apasl, an it a kom fram wi breda Sostoniiz tu.

Aks 21:18

Di neks die Paal go wid wi fi go taak tu Jiemz, an aal di elda dem fi di choch did de de.

Aks 16:4

An iina evri toun we dem go, dem gi di piipl dem we biliiv iina Jiizas di ruul dem we di apasl an di elda dem iina Jeruusilem did se di piipl we a no Juu fi fala.

Aks 15:27

So wi a sen Juudas an Sailas wid dem fi tel unu wid dem uona mout di siem sitn wa wi rait iina da leta ya.

Aks 15:25

So aal a wi mek op wi main fi pik som man an sen dem tu unu wid wi gud gud fren dem, Baanabas an Paal.

Aks 11:12

Di Uoli Spirit tel mi fi go wid dem an no ich. Dem siks breda ya did go a Sesuriiya wid mi an aal a wi go iina Kaaniiliyos ous.

Aks 10:23

Den Piita tek dem iina a di ous an put dem op fi di nait. Di neks die Piita, di man dem we did kom fi im, an som a di breda dem fram Japa ed out fi Kaaniiliyos yaad.