Aks 15:19 - Di Jamiekan Nyuu Testiment

¹⁹ So Jiemz se tu dem se, “Ier mi nou, mi fiil se wi fi lef di piipl we a no Juu an no chrai fi mek it aad fi dem ton tu Gad.

Aks 15:19 ပူးပေါင်းရင်းမြစ်များ

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

1 Tesaluoniyan 1:9

kaaz dem siem wan taak bout ou unu chriit wi gud wen wi did kom wich paat unu de. Dem taak bout ou unu ton we fram unu faalz gad dem, fi kom sorv Gad — di riil Gad we no ded an we gi laif.

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Aks 15:10

So tel mi nou, wa mek unu waahn flai iina Gad fies fi go presha im piipl fi du wa Gad neva aada dem fi du, sitn we no iivn wi ar fi wi faada faada dem kuda du?

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

Aks 21:25

Bot yu si di piipl we a no Juu we biliiv, wi did rait tu dem bout wa wi did mek op wi main fi du aredi. Wi tel dem se dem no fi nyam miit we piipl did tek bon sakrifais gi faalz gad, ar miit wid blod stil iina it, ar animal we eng, an dem fi kip we fram aal saat a seks sin.”