Aks 15:1 - Di Jamiekan Nyuu Testiment

¹ Den som man kom fram Judiya kom a Antiyak. Dem staat fi tiich di piipl we biliiv iina Jiizas se, “Ef unu no get sorkomsaiz azkaadn tu we Muoziz Laa se, unu kyaahn get siev.”

Aks 15:1 ပူးပေါင်းရင်းမြစ်များ

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Koloshan 2:8

Wach unuself! No mek nobadi chrap unu wid aagiment we onggl soun laik se dem mek sens, bot we no riili mek no sens at aal. Nuo! No mek dem tek unu ton no sliev. Dem aagiment de dis a taak bout ou piipl tingk bout sortn tingz, an bout wa faada tiich dem pikni, an we dem pikni de kom tiich fi dem pikni. Dem sitn de jos diil wid ou piipl luk pan di worl, an a jos taak bout powaful spirit we iina di worl. Dem no av notn fi du wid di chuu mesij bout Krais Jiizas.

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Jan 7:22

Bot, unu sorkomsaiz unu bwai pikni dem pan di Sabat kaa Muoziz se unu fi dwi'it — duo a no Muoziz staat it op, a unu faada faada dem.

Gyalieshan 2:1

Den afta fuotiin ier mi go baka Jeruusilem wid Baanabas. Mi did tek Taitos wid mi tu.

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 6:14

Wi ier im se di wan Jiizas we kom fram Nazaret a-go mash dong da plies ya an mek wi liv difrant fram ou Muoziz tel wi faada faada dem fi liv.”

Koloshan 2:16

So no mek nobadi joj non a unu an rait unu aaf siek-a wa unu nyam ar jringk. An no pie dem no main wen dem kom a tel unu bout no speshal uoli die we kom evri ier wen piipl worship Gad, ar bout di Nyuu Muun Festival ar wan Sabat die.

Aks 21:20

Wen dem ier dis, dem priez Gad. Den dem se tu im se, “Breda, yu si di touzn an touzn a Juu iina Jeruusilem we biliiv iina Jiizas, an aal a dem biliiv an fala di Laa dong tu di laas leta.

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:32

Juudas an Sailas a did prafit tu so dem taak nof sopm we elp fi mek di piipl we biliiv iina Jiizas get chrang iina wa dem biliiv.

Gyalieshan 6:12

Di wan dem we a chrai fuos unu fi get sorkomsaiz, dem jos waahn fi brag an buos bout demself. Dem a push unu fi get sorkomsaiz so dat dem no sofa. Kaaz dem wuda a sofa ef dem did a tel piipl bout ou Jiizas ded pan di kraas fi siev dem.