Aks 14:23 - Di Jamiekan Nyuu Testiment

²³ Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 14:23 ပူးပေါင်းရင်းမြစ်များ

Maak 3:14

Im pik out twelv man we im kaal im apasl, so dat dem kuda tan wid im an dat im kuda sen dem fi go priich,

Luuk 2:37

An shi neva av no ada ozban aal wen shi ieti fuo. Maanin, nuun an nait, shi spen taim iina Gad ous, a faas an a prie.

Luuk 23:46

Jiizas baal out loud, “Faada, mi put mi spirit iina yu an.” Az Jiizas se dis so, im bluo im bret wan laas taim an ded.

Aks 1:22

fram wen Jan did staat baptaiz tu di taim wen Gad tek im op a evn, wi niid wan a dem man de fi jain op wid wi an tel piipl se Jiizas kom bak alaiv.”

Aks 1:24

Den dem prie, “Laad, yu nuo wa iina evribadi aat. So shuo wi wich wan a dem yu pik

Aks 11:30

Dem sen di moni wid Baanabas an Saal go gi di choch liida dem a Jeruusilem.

Aks 14:26

Di tuu a dem lef Ataliya an siel bak go a Antiyak. A Antiyak dem did lef fram afta di piipl dem we biliiv iina Jiizas did prie fi dem an sen dem fi go priich Gad wod tu ada piipl. Dem did aks Gad fi tek kier a dem an bles dem. Nou dat dem don di wok, dem kom bak tu di choch piipl we did sen dem out.

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:4

Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 15:6

Di apasl an di elda dem mek op dem main fi miit an diil wid di prablem.

Aks 20:17

Fram Miletos, im sen sumadi go a Efisos wid wan mesij fi tel di choch elda dem fi kom miit im.

Aks 20:32

“So nou mi a put unu iina Gad an, an lef unu wid di mesij bout ou Gad lov unu iivn duo wi no dizorv it. Da mesij de wi tek kier a unu an elp unu tan op chrang an gi unu aal wa Gad pramis fi gi aal a im piipl.

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

1 Timoti 5:1

No disrispek di uol man dem iina di choch an taak tu dem eni an eni wie. Taak tu dem laik ou yu wuda taak tu yu faada. Taak tu di yong bwai dem laik dem a yu breda.

1 Timoti 5:22

No kwik fi put yu an pan nobadi an mek dem liida iina di choch. No shier iina dem sin bot kip yuself kliin.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

Jiemz 5:14

Non a unu sik? Aks di choch liida dem fi kom prie fi unu. Mek dem put aliv ail pan unu an kaal pan di Laad niem.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

2 Jan 1:1

Fram di elda tu di uman we Gad pik an ar pikni dem, mi riili riili lov unu. Evribadi we nuo di chuut lov unu tu,

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.