Aks 14:20 - Di Jamiekan Nyuu Testiment

²⁰ Bot wen di piipl dem we biliiv iina Jiizas gyada op roun im badi, Paal get op an go bak iina di siti. Di neks die im an Baanabas lef go a Dorbi.

Aks 14:20 ပူးပေါင်းရင်းမြစ်များ

2 Korintiyan 6:9

Som piipl no nuo wi bot som piipl nuo wi. Som piipl tingk wi a ded bot luk wi stil a liv. Dem ponish wi an mek wi sofa bot wi no ded.

Aks 20:1

Afta di el an powda ous iina di siti sekl dong, Paal sen fi di biliiva dem. Im taak tu dem an elp dem fi tan op chrang iina wa dem biliiv an den im tel dem ba-bai an lef fi go a Masiduoniya.

Aks 16:40

Wen dem lef di prizn, dem go a Lidiya yaad. Dem taak tu di breda an sista dem an tel dem no fi tap biliiv iina Jiizas. Afta dat dem lef di siti.

Aks 14:6

Paal an Baanabas fain out wa dem did a plan fi du an ron we go a Lischra an Dorbi iina Likuoniya an di dischrik dem nier de.

Aks 16:1

Den Paal go a Dorbi an Lischra. Nou yu did av wan choch breda de niem Timoti. Im mada a did wan Juu we biliiv iina Jiizas, bot im faada a did Griik.

Aks 14:28

An dem tan wid di piipl a Antiyak we biliiv iina Jiizas fi wan lang taim.

Aks 12:17

So Piita mek wan sain wid im an an se, “Shhh, tap unu naiz!” Den im tel dem ou di Laad Gad sen wan a im ienjel an frii im outa prizn. Im se, “Tel Jiemz an di ada breda dem bout wa apm.” Afta dat im lef an go a wan neda plies.

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.