Aks 14:19 - Di Jamiekan Nyuu Testiment

¹⁹ Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 14:19 ပူးပေါင်းရင်းမြစ်များ

Aks 13:14

Dem lef Porga an go a Pisidiyan Antiyak. Pan di Sabat dem go iina di Juu dem choch go sidong.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 14:1

Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 14:18

Iivn afta Paal se aal a dem sitn de, dem stil did av a aad taim bifuo dem kuda get di piipl fi no bon sakrifais tu dem.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 14:21

Dem priich di gud nyuuz iina Dorbi an uol iip a piipl biliiv iina Jiizas. Den dem go baka Lischra, Aikoniyom, an Antiyak

Aks 14:26

Di tuu a dem lef Ataliya an siel bak go a Antiyak. A Antiyak dem did lef fram afta di piipl dem we biliiv iina Jiizas did prie fi dem an sen dem fi go priich Gad wod tu ada piipl. Dem did aks Gad fi tek kier a dem an bles dem. Nou dat dem don di wok, dem kom bak tu di choch piipl we did sen dem out.

Aks 14:4

Di piipl we liv iina di toun ton gens dem wan aneda siek-a wa Paal an Baanabas did a priich. Som biliiv di Juu dem an som biliiv wa Paal an Baanabas se.

Aks 14:5

Wen di piipl we a Juu, di piipl we a no Juu an dem ruula dem chrai fi mek Paal an Baanabas sofa an fi stuon dem,

Aks 15:26

Dem tuu man ya nieli ded a du di wok we wi Laad Jiizas Krais gi dem fi du.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 22:20

An wen dem did a kil yu sorvant Stiivn, mi did tan op de an did a se ye, im fi ded, an did aal a tek kier a di kluoz fi di man dem we did a kil im.’

Aks 7:58

Dem ron im outa di siti an staat stuon im. An di wan dem we did a stuon im pudong dem kluoz a di fut a wan yong man we niem Saal.

Aks 9:16

Mi a-go shuo im umoch im afi go sofa fi fi mi siek.”

1 Korintiyan 15:31

Mi breda an sista, evridie mi put miself iina siiros chobl — mi kyan ded enitaim. Mi kyan se dem sopm ya jos laik ou mi kyan buos an se gud sitn bout unu kaaz unu biliiv iina Gad nof nof an unu an Jiizas kluos kluos.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 11:25

A chrii taim di Ruoman dem yuuz kien biit mi. Wan taim som piipl aal stuon mi. A chrii taim mi outa sii an di ship we mi de pan mash op. Wan a dem taim de a wan uol nait an wan uol die mi iina di waata a fluot.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

1 Tesaluoniyan 2:14

Breda an sista, unu komiin jos laik Gad choch dem iina Krais Jiizas, we de a Judiya. Kaaz a fi unu uona piipl dem, we de wich paat unu de, a mek unu sofa di siem wie ou di Judiyan piipl dem mek dem we de a Judiya sofa.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.