Aks 14:1 - Di Jamiekan Nyuu Testiment

¹ Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 14:1 ပူးပေါင်းရင်းမြစ်များ

Maak 7:26

Di uman did taak Griik, an shi did bilang tu di Sairofoniisiyan chraib. Shi beg Jiizas fi ron out di diiman outa ar daata.

Jan 12:20

Nou yu did av som Griik piipl we di de mongks dem we did a go a Jeruusilem fi di Paasuova Alidie fi priez Gad.

Jan 7:35

Di Juu liida dem den se tu dem wan aneda se, “A we da man ya plan fi go so, dat wi naa go kyan fain im? A go im a-go go tu di Juu piipl dem we skyata skyata mongks di Griik piipl dem, so dat im kyan tiich di Griik piipl dem?

Aks 11:21

Di Laad Gad did de wid dem an im gi dem powa fi priich an wan uol iip a piipl biliiv an ton tu di Laad.

Aks 13:43

Afta di Juu dem choch uova, nof a di Juu dem an di piipl dem we did ton Juu fala Paal an Baanabas. Paal an Baanabas did a taak tu dem an a tel dem no fi tap chos Gad fi shuo dem lov iivn duo dem neva dizorv it.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 13:5

Wen dem riich a Salamis, dem staat priich Gad wod iina di Juu dem choch. (Dem did av Jan wid dem fi elp dem wid di wok).

Aks 13:51

So Paal an Baanabas shiek aaf di dos aafa dem fut fi mek dem nuo se Gad no api wid dem an im a-go joj dem. Den dem go we go a Aikoniyom.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 14:21

Dem priich di gud nyuuz iina Dorbi an uol iip a piipl biliiv iina Jiizas. Den dem go baka Lischra, Aikoniyom, an Antiyak

Aks 16:1

Den Paal go a Dorbi an Lischra. Nou yu did av wan choch breda de niem Timoti. Im mada a did wan Juu we biliiv iina Jiizas, bot im faada a did Griik.

Aks 16:2

Di choch piipl iina Lischra an Aikoniyom taak gud bout im.

Aks 17:12

So nof a dem biliiv, aal nof a di Griik uman dem we kom fram rich fambili an di impuotant man dem tu.

Aks 17:17

So evridie im go a di Juu dem choch, an iina di maakit go taak tu di piipl dem we did de de; piipl we a Juu an piipl we a no Juu we worship Gad.

Aks 17:4

Som a di Juu dem biliiv wa Paal did a se a chuu, so dem jain Paal an Sailas, som uol iip a Griik piipl we worship Gad an nof uman uufa ozban dem a did tap-a-tap man.

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 18:8

Krispos uu a di liida fi di Juu dem choch an evribadi iina im ous biliiv iina di Laad. An nof a di Korintiyan piipl dem we ier biliiv tu an get baptaiz.

Aks 19:10

Paal kip dis op fi tuu ier, so dat evribadi we liv iina Iezha ier di Laad wod, weda dem a Juu ar Griik.

Aks 19:17

Evribadi we liv iina Efisos ier bout dis, weda dem a Juu ar Griik an wen dem ier bout it, dem kech dem fried, an dem priez di Laad Jiizas.

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Aks 2:47

Dem kip aan a priez Gad an aal di piipl iina Jeruusilem did api wid dem an taak gud bout dem. Evridie di Laad Jiizas siev muor an muor piipl an mek dem jain di choch.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 21:28

an staat baal out, “Aal uu a Juu, unu kom elp wi diil wid da man ya! A da man ya a tiich evribadi evriwe fi ton gens wi piipl, wi Laa, an da uoli plies ya! An fi mek it wosa, im aal kyari som Griik piipl go iina di paat a Gad ous we di Laa se onggl Juu fi go, an mek it no uoli no muor.”

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Ruoman 1:16

Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Gyalieshan 2:3

Nou Taitos did de de wid mi an im a wan Griik man — im a no Juu an dem neva fuos im fi get sorkomsaiz.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.