Aks 13:52 - Di Jamiekan Nyuu Testiment

⁵² An di choch piipl dem did wel api an di Uoli Spirit did tek kanchuol a dem.

Aks 13:52 ပူးပေါင်းရင်းမြစ်များ

Matyu 5:12

Mek unuself api wen dem sitn de apm tu unu; jomp op an dong wid jai iina unu aat, kaa nof gud sitn pudong iina evn fi unu. A siem so dem yuus tu chriit Gad prafit dem we did de ya bifuo unu kom.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

2 Korintiyan 8:2

Iivn duo aad taim tek dem an dem did puor so til, dem did eva api fi shier wa dem av wid ada piipl. Dem gi we nof nof sitn.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

1 Tesaluoniyan 1:6

Unu staat fala wi — an staat fala di Laad tu. An duo unu sofa bad bad unu biliiv iina di Gud Nyuuz siem wie no mata di sofarieshan, kaaz di Uoli Spirit mek unu wel api.

Jiemz 1:2

Mi breda an sista, unu fi wel api wen chobl an kraasiz tek unu.

1 Piita 4:13

Bot unu fi api se unu a sofa laik ou Krais Jiizas did sofa, so unu kyan daans an praans iivn muo wen im kom bak wid aal a di powa, an piipl si ou big, ou laaj an ou powaful im riili bi!