Aks 13:45 - Di Jamiekan Nyuu Testiment

⁴⁵ Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 13:45 ပူးပေါင်းရင်းမြစ်များ

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Matyu 27:18

(Kaaz Pailat nuo se dem onggl bring iin Jiizas kaa dem bad main.)

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 14:4

Di piipl we liv iina di toun ton gens dem wan aneda siek-a wa Paal an Baanabas did a priich. Som biliiv di Juu dem an som biliiv wa Paal an Baanabas se.

Aks 14:5

Wen di piipl we a Juu, di piipl we a no Juu an dem ruula dem chrai fi mek Paal an Baanabas sofa an fi stuon dem,

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 18:6

Wen dem go gens im an kos im out, im tan op tu dem, shiek di dos aafa im kluoz fi mek dem nuo se Gad no api wid dem an im a-go joj dem. Den im tel dem se, “Fram nou aan, ef Gad joj an ponish unu a fu'unu faalt! Mi no rispans! Fram nou aan mi wi go tu di piipl we a no Juu.”

Aks 19:9

Bot wen som a dem we did aad-iez mek op dem main no fi biliiv di mesij, an infronta evribadi, chat som torbl sitn gens di Wie ou di Laad se piipl fi liv, Paal lef dem an tek di piipl dem we biliiv iina Jiizas wid im. An evridie Paal tiich dem iina di big ruum we Tairanos yuuz fi taak tu nof piipl.

Aks 5:17

Den di liida fi di priis dem an di Sadyusii dem we did a fala im did wel beks kaaz evribadi did api wid di apasl dem.

Ruoman 1:29

Dem de piipl de wikid, dem ful op a wikidnis. Dem eva waahn wa ada piipl av an dem eva a du bad sitn tu ada piipl. Dem de piipl de ful op a bad main. Dem lov fi kos an fait, dem eva a chrai fi chrik dem wan aneda an dem eva waahn fi kil aaf dem wan aneda tu. Dem de piipl de lov fi susu-susu.

1 Korintiyan 3:3

Unu stil a mek di sitn dem we unu badi waahn kanchuol unu. Ef unu eva a kos unu wan aneda, an ef unu eva red yai an waahn waahn unu wan aneda sitn dem, unu no tingk se unu a mek unu badi kanchuol unu? Unu no tingk se unu a gwaan laik di piipl dem we no nuo Gad?

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

Gyalieshan 5:21

Aal dem waahn, a wa ada piipl av. Dem de piipl de eva a jringk tu moch, an a go aal kain-a wail paati. A dem de kain-a sitn de dem lov du. Mi a waan unu jos laik ou mi did waan unu bifuo: di wan dem we mek dem badi kanchuol dem an we du aal a di sitn dem we mi jos taak bout — dem naa go kyan tek paat iina Gad kindom.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.

Jiemz 4:5

Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

1 Piita 4:4

An nou, dem piipl de we a gwaan wid di siem kain-a naasinis an wikidnis, dem no tap chat unu, an a se aal kain-a sitn bout unu, kaaz dem kyaahn andastan wa riili a gwaan. Ou kom unu naa ron galang wid dem, an a du di sed sitn dem laik wan taim?

Juud 1:10

Bot dem ya piipl ya se som torbl torbl sitn bout we dem no andastan. Dem a gwaan laik wail animal wa kyaahn tingk out notn. An di sitn dem we dem du andastan widout afi tingk bout dem, a dem sitn de mash dem op.