Aks 13:39 - Di Jamiekan Nyuu Testiment

³⁹ Siek-a wa Jiizas du, evribadi we biliiv iina im, Gad mek dem no gilti no muor an frii dem fram dem sin wen Muoziz Laa kudn du dat.

Aks 13:39 ပူးပေါင်းရင်းမြစ်များ

Luuk 10:25

Wan Laa tiicha tan op fi tes Jiizas. “Tiicha,” im aks, “Wa mi fi du fi liv fi eva?”

Luuk 10:28

Jiizas se tu im se, “Yu ansa rait. Du dat an yu wi liv.”

Luuk 18:14

“Mi a tel unu da man ya, no di Farisii, bot di taks kalekta, im go a im yaad an evriting rait bitwiin im an Gad. Enibadi we put demself uova ada piipl a-go get pudong, an dem we ombl demself, wi get lif op ai.”

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Ruoman 10:10

Kaaz yu biliiv wid yu aat an wen yu biliiv, Gad wi mek tingz rait bitwiin yu an im; an wen yu se infronta piipl se yu biliiv iina Krais Jiizas, yu wi get siev.

Ruoman 10:4

Bot Krais Jiizas mek it so dat wi no afi fala di Laa no muor; Gad wi mek tingz rait bitwiin im an enibadi we biliiv iina Krais Jiizas.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.

Ruoman 4:15

Kaaz Gad beks wen piipl brok im Laa, an kaaz a di Laa im a-go joj dem piipl de. Bot ef no laa no de de, nobadi kyan brok it, kaaz notn wudn de de fi brok.

Ruoman 4:24

it rait fi wi tu. It rait dong fi aal a wi we Gad a-go mek tingz rait wid kaaz wi biliiv iina im. Wi biliiv iina di Gad we mek wi Laad Jiizas kom bak alaiv.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ruoman 5:20

Nou Gad sen di Laa so dat piipl wuda nuo se wa dem a du a sin. Bot wen piipl staat fi sin muor an muor, iivn duo wi neva dizorv it, Gad shuo dem lov muor an muor.

Ruoman 5:9

Jiizas ded fi wi sin dem, an so Gad put tingz rait bitwiin wi an im. An sins wi nuo se Jiizas did du dat wi nuo tu se im wi siev wi wen Gad kom fi joj di worl.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Ruoman 9:31

Bot Izrel, di piipl we Gad pik, dem di a luk fi wan laa we wuda put dem rait wid Gad. Bot dem neva fain it so dem neva get put rait wid im.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Gyalieshan 2:16

Bot wi nuo se no chuu sumadi a fala di Laa dat miin se tingz rait bitwiin dem an Gad. A onggl wen wi biliiv iina Jiizas Krais dat tingz kyan rait bitwiin wi an Gad. So iivn wi we a Juu, staat biliiv iina Jiizas Krais. Kaaz wi waahn fi mek tingz rait wid Gad an wi nuo se dat naa apm ef wi jos a fala Muoziz Laa.

Gyalieshan 2:19

So azkaadn tu di Laa mi ded aredi — kaaz mi naa fala it no muor. Mi tap fala it so dat mi kuda liv mi laif fi sorv Gad. It komiin laik se mi did ded pan di kraas wid Krais Jiizas.

Gyalieshan 3:8

Gad did av a plan fi mek tingz rait bitwiin im an di piipl dem we a no Juu. Ef dem biliiv iina im, im wuda siev dem an tek we dem sin. Dis a did di gud nyuuz we Gad tel Iebriyam fram wie bak wen an we rait dong iina Gad wod. Gad tel Iebriyam se, “Piipl fram aal difrant konchri a-go get bles siek-a wa yu du.”

Gyalieshan 5:3

An agen mi a tel evribadi we go get sorkomsaiz se dem afi fala di Laa. An no jos som a di Laa bot di uol a di Laa.

Iibruu 10:11

An aal a di priis dem tan de die afta die, a sorv an a gi op di siem sakrifais uova an uova — an dem de sakrifais kyaahn tek we sin.

Iibruu 10:4

Kaaz bulkou blod an guot blod kyaahn tek we nobadi sin.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.