Aks 13:2 - Di Jamiekan Nyuu Testiment

² Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Aks 13:2 ပူးပေါင်းရင်းမြစ်များ

Matyu 6:16

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get.

Matyu 9:38

So aks di Laad we uon di fuud fi sen out piipl fi pik dem.”

Luuk 10:1

Afta dis, di Laad pik sevnti-tuu a im ada falara dem an sen dem out tuu tuu, fi go evriwe im plan fi go.

Luuk 2:37

An shi neva av no ada ozban aal wen shi ieti fuo. Maanin, nuun an nait, shi spen taim iina Gad ous, a faas an a prie.

Aks 10:19

Piita did stil a tingk bout di vijan wen di Uoli Spirit se tu im se, “Luk Piita, chrii man a luk fi yu.

Aks 10:30

Kaaniiliyos se tu im se, “Fuo die ago, siem chrii aklak iina di die ya, mi did de iina mi ous a prie. Aal av a sodn mi si wan man iina som brait brait kluoz a tan op infronta mi.

Aks 13:3

So afta dem taim fi kip we fram fuud an prie did don, dem put dem an pan Baanabas an Saal ed, prie fi dem, an sen dem aaf.

Aks 13:4

Di Uoli Spirit sen out di tuu a dem an dem lef go dong a Siluukiya an fram de-so dem siel go Saipros.

Aks 14:26

Di tuu a dem lef Ataliya an siel bak go a Antiyak. A Antiyak dem did lef fram afta di piipl dem we biliiv iina Jiizas did prie fi dem an sen dem fi go priich Gad wod tu ada piipl. Dem did aks Gad fi tek kier a dem an bles dem. Nou dat dem don di wok, dem kom bak tu di choch piipl we did sen dem out.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Aks 6:4

an fi wi wok wi bi fi prie an pred Gad mesij bout Jiizas.”

Aks 8:29

Di Spirit tel Filip se, “Gwaan go jain da bogi de an stie kluos tu it.”

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

1 Korintiyan 12:11

Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

1 Korintiyan 7:5

Wen unu marid unu onggl fi tap sliip wid unu wan aneda ef di tuu a unu mek op unu main fi tap so unu kyan spen som taim a prie. An unu onggl fi du dat fi a shaat taim. Wen di taim paas unu fi go bak go sliip wid unu wan aneda so dat Sietan kyaahn kaaz unu fi du notn rang kaaz unu kyaahn kanchuol unu badi.

2 Korintiyan 11:27

Mi chogl an wok aad aad, nof nait mi no get no sliip. Mi did onggri an waahn sopm fi jringk an nof taim neva av no fuud fi iit. Yu did av taim wen mi kuol an no av inof kluoz fi kip mi waam.

2 Korintiyan 6:5

Piipl biit wi, dem fling wi iina prizn, kroud an kroud a piipl chrai kil wi aaf bot wi stil a wok. Wi a wok aal wen wi no av di chrent fi wok no muor. Nof nait wi no get no sliip an wi naa no fuud fi iit, bot wi stil a wok.

Gyalieshan 1:15

Bot Gad gud an kain tu mi. Im pik mi fram mi baan an im kaal mi fi du im wok. An wen im did redi

Ifiijan 3:7

Siek-a ou Gad lov mi iivn duo mi no dizorv it, im yuuz im powa an pik mi fi gi mi da wok ya fi tel piipl bout di Gud Nyuuz.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 1:11

A da siem Gud Nyuuz de Gad se mi fi tiich. Im mek mi wan a Jiizas apasl dem so mi kuda tel di piipl dem di Gud Nyuuz.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

2 Timoti 4:11

A onggl Luuk de ya wid mi. Wen yu a kom, go get Maak an bring im wid yu. Kaaz im kyan elp mi nof nof wen mi a priich an tiich Gad wod.

2 Timoti 4:5

Bot yu si yu Timoti, yu afi kanchuol yuself iina evriting. Yu a-go fies nof chobl bot yu mos push chuu it an gwaan priich Gad wod. An kaaz yu a Gad sorvant yu mos du aal di wok we im gi yu fi du.

Iibruu 5:4

Fi ton di liida fi di priis dem a wan big ting dat, an nobadi kyaahn jos kom kom se dem waahn ton wan, an go ton wan. A no so it go. Gad afi kaal im fi ton di liida fi di priis dem, jos laik ou im did kaal Ieran.