Aks 13:16 - Di Jamiekan Nyuu Testiment

¹⁶ So Paal get op an mek wan sain wid im an tu di piipl an se, “Aal a unu Izrel piipl an piipl we a no Juu we worship Gad, ier wa mi a se!

Aks 13:16 ပူးပေါင်းရင်းမြစ်များ

Aks 12:17

So Piita mek wan sain wid im an an se, “Shhh, tap unu naiz!” Den im tel dem ou di Laad Gad sen wan a im ienjel an frii im outa prizn. Im se, “Tel Jiemz an di ada breda dem bout wa apm.” Afta dat im lef an go a wan neda plies.

Aks 13:26

“Breda an sista we a Iebriyam pikni, an aal a unu we a no Juu we rispek Gad, a wi di mesij kom tu bout ou Gad siev piipl.

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Revilieshan 2:29

Aal uu kyan ier beta lisn gud we di Uoli Spirit a se tu di choch dem.”

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Aks 22:22

Di kroud did a lisn tu Paal til im taak bout se di Laad sen im tu di piipl we a no Juu. Den dem staat baal out pan tap a dem vais, “Da man ya fi ded, kil im! Aal im so — aal im no fi liv!”

Aks 21:40

Wen di ed fi touzn suoja lou im fi taak tu di piipl dem, Paal tan op pan di step an riez im an fi kwaiyat dong di piipl dem. Wen dem get kwaiyat im taak tu dem iina fi dem Juu langwij.

Aks 19:33

Som a di piipl iina di kroud tingk se Aligzanda a did di prablem, kaaz di Juu dem did push im op front. So im uol op im an fi di kroud kip kwaiyat so im kuda taak fi imself fi mek dem nuo se im an im fren dem neva du notn.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 10:35

bot enibadi, no mata wich konchri dem kom fram, ef dem worship im an aalwiez du we rait, im wi tek dem fi'im piipl.

Aks 3:12

Wen Piita si dem, im se tu dem se, “Aal a unu Izrel piipl, wa unu shak so fa? Wa unu tan op a luk pan wi so fa? Unu tingk a chuu wi powaful ar chuu wi gud iina Gad yai mek wi mek da man ya waak?

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Aks 2:14

Den Piita tan op wid di ada ilevn apasl dem, riez im vais an taak tu di kroud a piipl dem se, “Aal a unu we a Juu, an aal a unu we liv iina Jeruusilem, mek a tel unu sopm an unu fi lisn gud wa mi a tel unu.

Luuk 1:50

Gad gud kyaahn don, an kain tu evribadi iina evri jinarieshan we rispek an priez im.

Matyu 11:15

Enibadi we av iez — beta lisn gud!

Luuk 23:40

Bot di ada kriminal set im chriet an se, “Yu no fried a Gad, laik ou yu a ded laik im?

Luuk 1:22

Zakaraiya kom out bot im kudn tel dem notn. Dem nuo se im si wan vijan iina Gad ous, kaaz dem si se im kudn taak an onggl a mek sain tu dem.