Aks 13:15 - Di Jamiekan Nyuu Testiment

¹⁵ Afta sumadi riid fram di Laa buk an fram di Prafit dem, di liida dem fi di Juu dem choch sen wan mesij tu dem se, “Breda, ef unu av wan mesij we kyan elp bil op di piipl dem unu taak op.”

Aks 13:15 ပူးပေါင်းရင်းမြစ်များ

Maak 5:22

Den wan man niem Jairos we did inchaaj a wan a di Juu dem choch, kom wich paat Jiizas de. Wen im si im, im go dong pan im nii infronta im.

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Aks 1:16

an se tu dem se, “Breda an sista, wa rait dong iina Gad wod did afi apm. Lang bifuo it apm, di Uoli Spirit did mek Dievid taak bout Juudas, di wan we sel out Jiizas an mek di piipl dem ares im.

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Aks 15:21

Kaaz fi wan lang lang taim, evri Sabat dem riid Muoziz Laa iina di Juu dem choch an dem priich evriting we rait dong iina da Laa de iina evri toun.”

Aks 15:7

Afta dem did a aagyu fi wan gud wail, Piita get op an taak tu dem. Im se, “Mi breda, unu nuo ou lang taim a-go Gad pik mi fram mongks unu an yuuz mi fi tel di piipl we a no Juu di Gud Nyuuz so dem wuda biliiv iina Jiizas.

Aks 18:17

So dem grab Sostoniiz, di ruula fi di Juu dem choch, an staat biit im infronta di kuot ous. Bot Gyaliyo neva pie dem no main.

Aks 18:8

Krispos uu a di liida fi di Juu dem choch an evribadi iina im ous biliiv iina di Laad. An nof a di Korintiyan piipl dem we ier biliiv tu an get baptaiz.

Aks 2:29

“Breda an sista mi no afi fried fi taak tu unu bout wi faada Dievid. Wi nuo se im ded an dem beri im, an im tuum stil de ya op tu tide.

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 20:2

Afta im paas chuu da ieriya de an taak tu di biliiva dem an elp dem tan op chrang iina wa dem biliiv, im riich a Griis,

Aks 22:1

“Aal a unu we uolda dan mi an aal a unu we a di siem iej laik mi, lisn tu wa mi av fi se tu unu.”

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Aks 7:2

Stiivn ansa an se, “Aal a unu we a mi breda an mi faada, lisn we mi a se! Di Gad we av im brait brait lait a shain roun im, shuo imself tu wi faada Iebriyam wen Iebriyam did stil a liv iina Mesopotiemiya. Dat a did bifuo im muuv go liv a Ieran.

Ruoman 12:8

Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

2 Korintiyan 3:14

Bot di Izrel piipl dem, dem komiin laik piipl we naa no sens. Kaaz aal tide die, wen dem ier di uol Laa a riid out, a laik sopm a tap dem fram andastan se di taim fi di Laa don. A laik se di piis a klaat stil a kova op di chuut an a tap dem fram si. An dem naa go kyan muuv da piis a klaat de kaaz a onggl Krais Jiizas wan kyan muuv it.

1 Tesaluoniyan 2:3

di mesij we wi bring kom gi unu neva kom fram no lai. Wi neehn tel unu fi di rang riizn, an wi neehn a chrai fi chrik unu niida.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.