Aks 13:14 - Di Jamiekan Nyuu Testiment

¹⁴ Dem lef Porga an go a Pisidiyan Antiyak. Pan di Sabat dem go iina di Juu dem choch go sidong.

Aks 13:14 ပူးပေါင်းရင်းမြစ်များ

Aks 16:13

Pan di Sabat die wi go chuu di siti giet go a di rivasaid. Wi go de kaaz wi did uop fi fain wan plies we piipl gyada op fi prie tu Gad. So wi sidong an staat fi taak tu di uman dem we did gyada op de.

Aks 17:2

An laik im aalwiez du, Paal go iina di Juu dem choch. Fi chrii Sabat im yuuz Gad wod fi aagyu wid dem.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 13:5

Wen dem riich a Salamis, dem staat priich Gad wod iina di Juu dem choch. (Dem did av Jan wid dem fi elp dem wid di wok).

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Aks 13:44

Di neks Sabat, nieli di uol toun gyada op fi ier Gad wod.

Aks 13:42

Wen Paal an Baanabas did a lef di Juu dem choch, di piipl dem beg dem fi kom taak tu dem agen bout dem sitn ya di neks Sabat.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Luuk 4:16

Wen Jiizas riich a Nazaret, di plies we paat im gruo op, im go iina di Juu dem choch pan di Sabat, laik im aalwiez du. Im tan op fi riid

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.