Aks 13:11 - Di Jamiekan Nyuu Testiment

¹¹ Rait nou Gad a-go chraik yu dong an blain yu an yu naa go kyan si di son lait fi nou.” Siem taim im yai dem get fag op an daak an im staat fiil im wie roun an a chrai fi fain sumadi fi uol im an an liid im we im waahn fi go.

Aks 13:11 ပူးပေါင်းရင်းမြစ်များ

Jan 9:39

Jiizas se, “Mi kom iina di worl fi joj piipl, so blain piipl kyan si an di wan dem we tingk se dem kyan si get blain.”

Aks 9:17

So Ananaiyas go a di ous we Saal did de. Im go iina di ous, put im an pan Saal an se, “Breda Saal, di Laad Jiizas, di wan we yu did si wen yu did de pan yu wie a kom ya, im sen mi tu yu. Im sen mi so yu wi kyan si agen an fi mek di Uoli Spirit kom liv iina yu.”

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Iibruu 10:31

A no wan nais sitn fi jrap iina di an fi di Gad we a liv, an im ponish yu yu nuo — enibadi we dat apm tu fi kech dem fried!

2 Piita 2:17

Dem piipl ya komiin laik wan foutn widout no waata, dem a laik kloud we staam bluo we; di daakis paat a el a wiet fi dem.