Aks 12:7 - Di Jamiekan Nyuu Testiment

⁷ Aal av a sodn wan a di Laad ienjel dem tan op infronta Piita an wan brait brait lait shain iina di prizn. Im lik Piita iina im said an wiek im op. Im se, “Git op, kwik!” Siem taim di chien jrap aafa Piita an.

Aks 12:7 ပူးပေါင်းရင်းမြစ်များ

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Aks 16:26

Aal av a sodn wan powaful ortkwiek apm we shiek dong tu di prizn grong. Aal di prizn duor dem flai uopm, an di prizna dem chien bos aaf.

Aks 10:30

Kaaniiliyos se tu im se, “Fuo die ago, siem chrii aklak iina di die ya, mi did de iina mi ous a prie. Aal av a sodn mi si wan man iina som brait brait kluoz a tan op infronta mi.

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Aks 2:24

Bot Gad mek im kom bak alaiv an frii im fram det powa kaaz det kudn kip im dong fi eva.

Luuk 24:4

Siem taim wen dem a wanda wa apm, tuu man iina kluoz we brait laik lait kom tan op saida dem.

Luuk 2:9

Wan a di Laad ienjel dem kom tu di shepad dem. Wan brait brait lait fram Gad kova dem an it mek dem fraitn so til.

Aks 12:23

Siem taim wan a di Laad ienjel chraik dong Erad kaaz im tek di priez fi imself insted-a mek di piipl dem priez Gad. Di siknis we im get mek worm staat nyam im til im ded.

Aks 9:3

Wen dem did de pan dem wie an did nier Damaskos, aal av a sodn wan brait brait lait fram evn shain roun Saal.

Revilieshan 18:1

Afta dis, mi si wan neks ienjel kom dong fram evn. Im av nof powa, an im brait lait lait op di ort.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Aks 12:6

Pan da siem nait de, di nait bifuo Erad did plan fi joj Piita infronta evribadi, Piita did a sliip bitwiin tuu suoja. Dem did tai im op wid tuu chien an dem did av tuu suoja infronta di duor a gyaad di prizn.

Matyu 2:13

Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Aks 12:8

Di ienjel se tu Piita se, “Bokl yu belt an put aan yu slipaz.” So Piita du dat. Den di ienjel se tu im se, “Put aan yu lang jakit an fala mi.”