Aks 12:5 - Di Jamiekan Nyuu Testiment

⁵ So dem kip Piita lak op iina prizn, bot di choch piipl dem did a prie tu Gad wid aal a dem aat fi im.

Aks 12:5 ပူးပေါင်းရင်းမြစ်များ

Matyu 18:19

“Mi a tel unu dis tu an a chuu mi a taak, ef tuu a unu we de ya-so pan ort kom tugeda an se unu a aks Gad fi sitn, mi Faada we iina evn a-go dwi'it fu'unu.

Luuk 18:1

Den Jiizas tel im speshal falara dem da tuori ya fi shuo dem se dem fi aalwiez prie an no gi op.

Aks 12:12

Wen Piita si wa riili apm, im go a Mieri ous, dat a Jan Maak mada. Nof piipl did gyada op an did a prie.

Aks 12:4

Afta Erad mek im suoja dem ares Piita im put im iina prizn. Im put fuo gruup a suoja fi gyaad im an iich gruup did av fuo suoja. Erad did plan fi joj Piita infronta evribadi wen di Paasuova alidie don.

Aks 12:6

Pan da siem nait de, di nait bifuo Erad did plan fi joj Piita infronta evribadi, Piita did a sliip bitwiin tuu suoja. Dem did tai im op wid tuu chien an dem did av tuu suoja infronta di duor a gyaad di prizn.

1 Korintiyan 12:26

Ef wan paat a di badi a sofa, di uol badi a sofa tu. Ef wan paat a di badi fiil gud den di uol badi fiil gud.

2 Korintiyan 1:11

Unu mos prie se Gad wi elp wi tu. Kaaz wen Gad ansa unu prieya an bles wi, nof ada piipl wi staat fi gi Gad tangks fi aal we im du fi wi.

1 Tesaluoniyan 5:17

No tap prie.

Iibruu 13:3

Unu fi memba di piipl dem we iina prizn, laik se unu iin de wid dem. An memba di piipl dem we a sofa tu, laik se a unu a sofa an a fiil di pien we dem a fiil.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.