Aks 12:4 - Di Jamiekan Nyuu Testiment

⁴ Afta Erad mek im suoja dem ares Piita im put im iina prizn. Im put fuo gruup a suoja fi gyaad im an iich gruup did av fuo suoja. Erad did plan fi joj Piita infronta evribadi wen di Paasuova alidie don.

Aks 12:4 ပူးပေါင်းရင်းမြစ်များ

Luuk 22:33

Bot Saiman se “Laad, mi redi fi go wid yu a prizn an fi iivn ded wid yu tu.”

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Aks 4:28

Dem kom tugeda fi du aal wa yu did don plan se wuda apm an it apm da wie de kaaz a yu powa an kaaz dat a wa yu did waahn fi apm.

Aks 4:3

Dem grab Piita an Jan, an kaaz nait did suun kom, dem put dem iina jiel til di neks die.

Jan 21:18

Mi a tel yu fi chuu chuu, wen yu did sumaala yu put aan yu uona kluoz an yu go eniwe yu waahn fi go, bot wen yu get uol yu gweehn chrech out yu an dem, an ada piipl gweehn put aan yu kluoz an tek yu go wich paat yu no waahn go.”

Matyu 26:5

Bot dem se, “Mek wi no dwi'it pan di Paasuova alidie, kaa di piipl dem mait-a kaaz el-an-pouda-ous!”

Matyu 24:9

“Wen dat apm, dem a-go tek unu, an gi unu uova tu di piipl dem we a-go ponish unu an kil unu. An kaa unu a fala mi, piipl fram aal bout a-go iet unu.

Aks 8:3

Bot Saal staat wok aad aad fi mash op di choch. Im did a go fram ous tu ous an a jrag out man an uman an fling dem iina prizn.

Aks 5:18

So dem ares di apasl dem an put dem iina di prizn we aal kain-a bad piipl de.

Jan 19:23

Wen di suoja dem did don niel op Jiizas pan di kraas fi ded, dem tek im kluoz dem, an shier dem op iina fuo, wan set fi iich a dem. Bot dem neehn toch im anda kluoz. (Nou im anda kluoz did mek outa wan piis a klaat.)

Maak 14:1

A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Aks 12:3

Wen im si se wa im did du tu Jiemz mek di Juu dem api, im gi aada fi ares Piita tu. Dis apm wen di Paasuova alidie did a gwaan.

Aks 12:5

So dem kip Piita lak op iina prizn, bot di choch piipl dem did a prie tu Gad wid aal a dem aat fi im.