Aks 12:3 - Di Jamiekan Nyuu Testiment

³ Wen im si se wa im did du tu Jiemz mek di Juu dem api, im gi aada fi ares Piita tu. Dis apm wen di Paasuova alidie did a gwaan.

Aks 12:3 ပူးပေါင်းရင်းမြစ်များ

Aks 24:27

Afta tuu ier paas, Porshiyos Festos ton di nyuu govana an tek uova fram Fiiliks. Bot kaaz Fiiliks did a chrai fi kori fieva wid di Juu dem, im lef Paal iina prizn.

Jan 12:43

Yu si, dem did rada big op fram piipl muo dan fram Gad.

Aks 25:9

Bot Festos did a chrai fi kori fieva wid di Juu dem, so im aks Paal se, “Yu waahn fi go a Jeruusilem an mek mi joj yu an si ef aal wa dem a se bout yu a chuu ar a no chuu?”

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Aks 20:6

So afta di Paasuova alidie, wi siel fram Filipai. An it tek wi faiv die fi riich a Chuowas an jain di wan dem we did a wiet fi wi, an wi tan de fi sevn die.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

Jan 21:18

Mi a tel yu fi chuu chuu, wen yu did sumaala yu put aan yu uona kluoz an yu go eniwe yu waahn fi go, bot wen yu get uol yu gweehn chrech out yu an dem, an ada piipl gweehn put aan yu kluoz an tek yu go wich paat yu no waahn go.”

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Matyu 26:17

Nou di alidie wen piipl nyam bred widout yiis did kom. Pan di fos die a da alidie de, Jiizas speshal falara dem kom tu im an se, “We yu waahn wi fi luk aafa di Paasuova fuud fi yu nyam?”

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 2:14

Den Piita tan op wid di ada ilevn apasl dem, riez im vais an taak tu di kroud a piipl dem se, “Aal a unu we a Juu, an aal a unu we liv iina Jeruusilem, mek a tel unu sopm an unu fi lisn gud wa mi a tel unu.

Aks 12:4

Afta Erad mek im suoja dem ares Piita im put im iina prizn. Im put fuo gruup a suoja fi gyaad im an iich gruup did av fuo suoja. Erad did plan fi joj Piita infronta evribadi wen di Paasuova alidie don.