Aks 12:20 - Di Jamiekan Nyuu Testiment

²⁰ Erad did riili riili beks wid di piipl dem fram Taiya an Saidan. So di piipl dem jain op tugeda iina wan gruup an go fi miit di King. Bot fos dem manij fi get Blastos, we di inchaaj a di king palis, fi elp dem. Den dem go beg di king paadn an mek piis wid im, kaaz dem get fi dem fuud fram di king konchri.

Aks 12:20 ပူးပေါင်းရင်းမြစ်များ

Luuk 16:8

“Iivn duo di manija did tiif, di maasta big im op kaaz im did sumaat. Di piipl we bilang tu da worl ya, sumaata wen dem a diil wid dem wan aneda, dan Gad piipl.

Aks 12:21

Wen di die kom we Erad did set fi miit wid dem, im put aan im speshal king kluoz, sidong pan im speshal siit fi joj an taak tu di piipl dem.

Aks 21:3

Wen wi riich we wi kuda si Saipros, an wi paas it pan di lef-an-said, wi siel go a Siriya. Wi tap a Taiya, kaaz di ship did fi lef di sitn dem we it did a kyari de.

Aks 21:7

Wi gwaan siel fram Taiya til wi riich a Talomieyis. An afta wi se oudi tu di biliiva dem, wi tan wid dem fi wan die.