Aks 12:2 - Di Jamiekan Nyuu Testiment

² Im mek dem kil Jiemz, Jan breda, wid wan suod.

Aks 12:2 ပူးပေါင်းရင်းမြစ်များ

Matyu 20:23

So Jiizas se tu dem se, “Unu wi sofa ye; mmhm — unu wi jringk mi kop, bot fi sidong a mi rait-an-said an mi lef-an-said, a no mi wok out da wan de. Kaaz dem pozishan de don put op aredi fi di wan dem we mi Faada se fi get dem.”

Maak 10:35

Jiemz an Jan, Zebidii tuu bwai dem go tu Jiizas an se tu im se, “Tiicha, wi a-go aks yu sopm an wi uop se yu wi du wa wi aks yu.”

Maak 10:38

Bot Jiizas tel dem se, “Unu no nuo wa unu riili a aks! Unu kyan jringk wa mi bout fi jringk ar get baptaiz laik ou mi a-go get baptaiz, a sofa mi a-go sofa yu nuo?”

Maak 10:39

Dem se, “Ye, wi kyan du dat.” Den Jiizas se tu dem se, “Fi riil, unu a-go jringk fram di kop we mi jringk fram an baptaiz di siem wie mi get baptaiz,

Aks 12:1

Roun dem taim de, King Erad gi aada fi ares som a di choch piipl dem. Im du dat kaaz im did plan fi mek dem sofa aad aad.

Iibruu 11:37

Dem stuon som a dem, an tek saa kot dem iina tuu an yuuz suod kil dem aaf tu. Dem piipl de we sofa so, dem waak bout iina shiip skin an guot skin, dem neehn av no moni — dem did wel puor. Piipl mek dem sofa an did taament dem.