Aks 12:17 - Di Jamiekan Nyuu Testiment

¹⁷ So Piita mek wan sain wid im an an se, “Shhh, tap unu naiz!” Den im tel dem ou di Laad Gad sen wan a im ienjel an frii im outa prizn. Im se, “Tel Jiemz an di ada breda dem bout wa apm.” Afta dat im lef an go a wan neda plies.

Aks 12:17 ပူးပေါင်းရင်းမြစ်များ

Aks 21:40

Wen di ed fi touzn suoja lou im fi taak tu di piipl dem, Paal tan op pan di step an riez im an fi kwaiyat dong di piipl dem. Wen dem get kwaiyat im taak tu dem iina fi dem Juu langwij.

Aks 19:33

Som a di piipl iina di kroud tingk se Aligzanda a did di prablem, kaaz di Juu dem did push im op front. So im uol op im an fi di kroud kip kwaiyat so im kuda taak fi imself fi mek dem nuo se im an im fren dem neva du notn.

Aks 13:16

So Paal get op an mek wan sain wid im an tu di piipl an se, “Aal a unu Izrel piipl an piipl we a no Juu we worship Gad, ier wa mi a se!

Aks 21:18

Di neks die Paal go wid wi fi go taak tu Jiemz, an aal di elda dem fi di choch did de de.

Aks 15:13

Wen dem don taak, Jiemz taak op an se, “Breda unu lisn tu mi.

Gyalieshan 2:12

Kaaz im yuus tu iit wid di piipl dem we a no Juu. Bot wen som man we Jiemz sen riich, im kwik taim bak we fram dem. Im tap iit wid dem kaaz im did fried a wa di Juu dem we fiil se yu afi sorkomsaiz wuda se bout im ef dem kech im a iit wid dem piipl de.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.

Gyalieshan 1:19

Wen mi de de mi si Jiemz, di Laad breda, bot mi neva si non a di ada apasl dem.

1 Korintiyan 15:7

Afta dem piipl de si im, im go shuo imself tu Jiemz an afta Jiemz im mek di uol a im apasl dem si im.

Jan 11:54

Siek-a dat nou, Jiizas kip we fram di Juu piipl dem we kom fram Judiya. Im lef go a wan plies nier di dezot, wan toun niem Iifriem. An im tan de wid im falara dem.

Jan 8:59

Wen dem ier dis, dem pik op rakstuon fi fling aafa im, bot im aid we an go we fram we Gad ous did de.

Matyu 10:23

Wen piipl iina wan toun mek unu sofa, ron go a wan neks wan. Mek mi tel unu dis, unu naa go chuu aal a di toun dem iina Izrel bifuo di Man we Gad Pik kom bak.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

Aks 16:40

Wen dem lef di prizn, dem go a Lidiya yaad. Dem taak tu di breda an sista dem an tel dem no fi tap biliiv iina Jiizas. Afta dat dem lef di siti.

Jan 13:24

So Saiman Piita mek sain tu di falara we Jiizas lov an tel im fi aks Jiizas a wich wan a dem im a taak bout.

Jan 10:40

Im go bak kraas Jaadn Riva fi go a di plies we Jan did a baptaiz piipl iina di orliya die dem. Im tan de an no go no we afta im riich de.

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Luuk 1:22

Zakaraiya kom out bot im kudn tel dem notn. Dem nuo se im si wan vijan iina Gad ous, kaaz dem si se im kudn taak an onggl a mek sain tu dem.

Maak 6:3

A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 12:16

Aal da taim de Piita did stil a di giet a nak. Wen dem uopm di duor an si im, dem did wel shak.

Aks 12:18

Wen die lait di suoja dem did fried an wel kanfyuuz, kaaz non a dem kudn tel wa apm tu Piita.

Aks 28:15

Wen di breda an sista dem a Ruom ier bout wi, som a dem kom aal di wie a Apiyos Maakit, an som kom a di plies kaal Chrii In kom miit wi. Wen Paal si dem im tek aat an gi Gad tangks.