Aks 12:15 - Di Jamiekan Nyuu Testiment

¹⁵ Bot dem se tu ar se, “Yu ed a tek yu!” Bot shi kip aan a tel dem se a im out de fi riil, an dem kip aan a se tu ar se, “A mosi im ienjel!”

Aks 12:15 ပူးပေါင်းရင်းမြစ်များ

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Aks 26:24

Wail Paal did a taak, Festos kaal out pan tap a im vais, “Paal, yu mad. Yu ed a tek yu! Yu lorn tu moch an yu ed a tek yu nou!”

Luuk 24:11

Bot di apasl dem neva biliiv di uman dem, kaaz we dem did a se soun laik fuulinish.

Maak 16:14

Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Maak 16:11

An wen Mieri tel dem se Jiizas kom bak alaiv an dat shi si im, dem neva biliiv ar.

Luuk 22:59

Bout wan owa afta dat wan neda wan taak out chrang se, “Mi shuor se da man ya a wan a im speshal falara dem, kaaz im kom fram Gyalalii tu.”

Aks 12:16

Aal da taim de Piita did stil a di giet a nak. Wen dem uopm di duor an si im, dem did wel shak.