Aks 11:9 - Di Jamiekan Nyuu Testiment

⁹ “Den di vais fram evn se tu mi di sekan taim se, ‘No tek notn we Gad mek kliin an se it doti an no gud fi iit.’

Aks 11:9 ပူးပေါင်းရင်းမြစ်များ

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

1 Timoti 4:5

Kaaz prieya an Gad wod mek di fuud kliin.

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 10:15

Den di vais se tu Piita di sekan taim se, “No tek notn we Gad mek kliin an se it doti an no gud fi iit.”

Maak 7:19

Kaaz wa dem iit no go iina dem aat, it go iina dem tumok an den it go iina di tailit.” (Jiizas se dis fi shuo se aal fuud kliin.)

Aks 11:8

“An mi ansa im se, ‘Uu mi? Nuo Laad, ou mi fi du dat? Mi neva nyam non a dem de sitn de we di Laa se yu no fi nyam kaaz dem no kliin.’

Aks 11:10

Chrii taim di siem ting apm, an den di shiit get tek op bak iina evn.