Aks 11:3 - Di Jamiekan Nyuu Testiment

³ Dem se tu im se, “Yu go a di ous a piipl we a no Juu an iit wid dem?”

Aks 11:3 ပူးပေါင်းရင်းမြစ်များ

Matyu 9:11

Wen di Farisii piipl dem si dis ya, dem ton tu im speshal falara dem an se, “Wa mek unu tiicha nyam wid taks kalekta an rang-duwa?”

Luuk 15:2

Bot di Farisii an di Laa tiicha dem staat grombl se, “Da man ya a fren op sina an aal a nyam wid dem.”

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Aks 10:23

Den Piita tek dem iina a di ous an put dem op fi di nait. Di neks die Piita, di man dem we did kom fi im, an som a di breda dem fram Japa ed out fi Kaaniiliyos yaad.

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 10:32

Nou sen som man go a Japa fi wan man niem Saiman, we dem kaal Piita. Im a stie a Saiman yaad, di wan we mek leda an we liv a di sii-said.’

Aks 10:48

So Piita gi aada fi dem get baptaiz iina Jiizas Krais niem. Den di piipl a Kaaniiliyos ous aks im fi stie wid dem fi a likl wail.

1 Korintiyan 5:11

Wen mi did rait unu mi did a taak bout piipl we se dem biliiv iina Gad. No av notn fi du wid nobadi we se dem a Gad pikni bot a tek paat iina aal kain-a seks sin. No av notn fi du wid dem ef dem waahnti-waahnti, tiif ada piipl sitn dem, worship faalz gad, tel lai ar jringk tu moch. No iivn iit wid dem piipl de.

Gyalieshan 2:12

Kaaz im yuus tu iit wid di piipl dem we a no Juu. Bot wen som man we Jiemz sen riich, im kwik taim bak we fram dem. Im tap iit wid dem kaaz im did fried a wa di Juu dem we fiil se yu afi sorkomsaiz wuda se bout im ef dem kech im a iit wid dem piipl de.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.