Aks 11:28 - Di Jamiekan Nyuu Testiment

²⁸ Wan a dem we niem Agabos tan op fi priich. Di Uoli Spirit tek kanchuol a im an mek im taak bout ou wan torbl staavieshan a-go tek di uol worl. (Wa Agabos se apm wen taim Klaadiyos did a ruul uova Ruom.)

Aks 11:28 ပူးပေါင်းရင်းမြစ်များ

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 24:7

Kaaz wan set a piipl a-go waar gens wan neks set a piipl, an kindom a-go fait gens kindom. Fuud a-go shaat iina nof nof plies an uol iip a piipl a-go staav, pan tap a dat ortkwiek a-go kom shiek op difrant difrant plies.

Luuk 2:1

Iina dem die de, di Ruoman ruula, Siiza Agostos, gi aada fi rait dong di niem a evribadi iina im kindom.

Luuk 3:1

A fiftiin ier nou Taibiiriyos did a Ed Ruula iina Ruom, im did av Ponchos Pailat a ron Judiya, Erad Antipas a ron Gyalalii, im breda Filip a ron Aituuriya an Chrakonaitis an Lizaniya did a ron Abiliin.

Aks 18:2

Iina Korint Paal miit wan Juu niem Akwila we did baan iina Pontos. Im an im waif Prisila did no tuu lang muuv fram Itali kaaz Klaadiyos did gi aada se aal a di Juu dem fi lef Ruom. Paal jain op wid dem,

Aks 21:10

Afta wi did de de fi kopl die, wan prafit niem Agabos kom dong fram Judiya.