Aks 11:26 - Di Jamiekan Nyuu Testiment

²⁶ an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 11:26 ပူးပေါင်းရင်းမြစ်များ

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Jan 2:2

an Jiizas an im falara dem did de de, kaa dem did get invait tu.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 11:20

Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 11:22

Nyuuz bout wa did a apm iina Antiyak riich di piipl dem iina Jeruusilem we biliiv iina di Laad, so di liida dem sen Baanabas go a Antiyak.

Aks 11:27

Roun dem siem taim de som prafit fram Jeruusilem kom dong a Antiyak.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

Aks 14:20

Bot wen di piipl dem we biliiv iina Jiizas gyada op roun im badi, Paal get op an go bak iina di siti. Di neks die im an Baanabas lef go a Dorbi.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Aks 14:28

An dem tan wid di piipl a Antiyak we biliiv iina Jiizas fi wan lang taim.

Aks 18:27

Wen Apalos did waahn kraas uova go a Akaiya, di breda an sista dem push im fi gwaan. Dem rait wan leta tu di breda an sista dem uova de an tel dem fi tek im iin an chriit im gud. Di wan dem we did biliiv kaaz Gad did so gud tu dem, wen Apalos riich im du uol iip fi elp dem.

Aks 19:9

Bot wen som a dem we did aad-iez mek op dem main no fi biliiv di mesij, an infronta evribadi, chat som torbl sitn gens di Wie ou di Laad se piipl fi liv, Paal lef dem an tek di piipl dem we biliiv iina Jiizas wid im. An evridie Paal tiich dem iina di big ruum we Tairanos yuuz fi taak tu nof piipl.

Aks 20:1

Afta di el an powda ous iina di siti sekl dong, Paal sen fi di biliiva dem. Im taak tu dem an elp dem fi tan op chrang iina wa dem biliiv an den im tel dem ba-bai an lef fi go a Masiduoniya.

Aks 20:30

An di taim a-go kom wen iivn som a unu uona piipl a-go tiich som torbl sitn we go gens di chuut fi get som a unu fi fala dem.

Aks 21:4

Afta wi fain di biliiva dem, wi tan wid dem fi sevn die. Di Uoli Spirit shuo di biliiva dem wa did a-go riich Paal iina Jeruusilem, so dem beg im uova an uova no fi go op de.

Aks 26:28

Agripa se tu Paal se, “So iina no taim yu a chrai ton mi iina sumadi we biliiv iina Jiizas?”

Aks 6:1

Iina dem die de, di gruup a piipl we biliiv iina Jiizas did a gruo muo an muo. Di uman dem we a Juu an we taak di Griik langwij uufa ozban dem did ded, staat mombl anda di kwaiyat gens di uman dem we a Juu we onggl taak di Juu langwij an uufa ozban dem did ded tu. Dem did a mombl se dem neva did a get fi dem shier a di moni an fuud we dem did fi get a die taim.

Aks 6:5

Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.

Aks 9:19

An afta Saal get sopm fi iit, im get bak chrang agen. Saal tan a Damaskos fi kopl die wid di piipl dem we biliiv iina Jiizas.

Aks 9:38

Lida neva faar fram Japa. So wen di piipl we biliiv iina Jiizas ier se Piita did de a Lida, dem sen tuu man tu im wid wan mesij se “Ori op kum ya kwik kwik!”

1 Korintiyan 11:18

Fos ting fos, mi ier se wen unu gyada tugeda fi av choch unu plit op iina gruup an aagyu wid unu wan aneda. A dat piipl a tel mi an mi biliiv se som a wa dem a se a chuu sopm.

1 Korintiyan 12:12

Jos laik ou di badi av nof difrant paat, an yu niid aal a dem paat de fi mek op di badi, a siem so Krais Jiizas tan.

1 Korintiyan 14:23

Nou se di uol a unu gyada fi choch an evribadi iina di choch a taak iina tongz, wa apm wen sumadi we no biliiv iina Gad ar sumadi we no nuo bout Gad kom iina di choch an ier unu? Dem naa go se di uol a unu mad?

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

Ifiijan 3:15

A im mek evribadi we de a evn an aal uu de pan ort.

Jiemz 2:7

No dem siem wan a chat aal saat a torbl sitn buot di Wan we wi bilang tu gud niem?

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.

1 Piita 4:16

Nuo, a no so it fi go. Bot ef unu sofa chuu unu a piipl we biliiv iina Jiizas — a no notn dat fi shiem bout. Insted-a dat, unu fi priez Gad kaaz a big ting dat wen piipl a kaal unu Krais Jiizas falara.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.