Aks 11:24 - Di Jamiekan Nyuu Testiment

²⁴ Baanabas a did wan gud man. Di Uoli Spirit did tek kanchuol a im laif an im did biliiv nof nof. Siek-a im, uol iip muor piipl ton tu di Laad an get siev.

Aks 11:24 ပူးပေါင်းရင်းမြစ်များ

Matyu 12:35

Di gud man du gud sitn siek-a di gud we stuor op iina im aat. An di wikid man du wikid sitn siek-a aal a di wikidnis we iina im aat.

Matyu 19:17

So Jiizas se tu im se, “A wa mek yu kom a aks mi bout wa gud? A onggl wan sumadi de bout we gud yu no. Bot ef yu waahn fi liv fi eva kip di Laa dem we Gad did gi Muoziz.

Luuk 23:50

Yu did av wan man we niem Juozif, we bilang tu di gruup we mek op a di ed priis an di Laa tiicha dem. Im did a wan gud an anis man,

Jan 7:12

Wan uol iip a piipl did a wispa wispa wa dem tingk bout Jiizas mongks demself. Som did a se, “Im a wan gud man.” An yu did av som we se, “Nuo, sa! A fuul im a fuul op di piipl dem.”

Aks 11:21

Di Laad Gad did de wid dem an im gi dem powa fi priich an wan uol iip a piipl biliiv an ton tu di Laad.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 2:47

Dem kip aan a priez Gad an aal di piipl iina Jeruusilem did api wid dem an taak gud bout dem. Evridie di Laad Jiizas siev muor an muor piipl an mek dem jain di choch.

Aks 24:16

A dat mek mi aalwiez du mi bes fi liv rait so dat nobadi kyaahn paint no fingga pan mi an mi kyan tan op infronta Gad an mi kanchens no bada mi.

Aks 5:14

Bot muor an muor piipl biliiv iina di Laad an jain dem gruup, uol iip a man an uman.

Aks 6:3

So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

Aks 6:5

Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.

Aks 6:8

Stiivn a did wan man we Gad did a yuuz fi du som powaful mirikl an sain mongks di piipl.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Ruoman 15:15

Bot iina da leta ya mi diil wid unu aad, mi no uol notn bak wen it kom tu sortn an sortn tingz kaaz mi waahn unu fi memba dem. Mi no uol notn bak kaaz Gad gud an kain tu mi,

Ruoman 5:7

(Tingk bout it! Iivn ef sumadi did a du evriting we di Laa se, it wuda aad fi fain sumadi we wuda ded fi dem, bot yu mait-a fain sumadi we briev inof fi ded fi sumadi we aalwiez du gud fi ada piipl.)