Aks 11:23 - Di Jamiekan Nyuu Testiment

²³ Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Aks 11:23 ပူးပေါင်းရင်းမြစ်များ

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Maak 2:5

Wen Jiizas si ou di man dem biliiv iina im, im se tu di kripl man se, “Mi pikni, mi paadn yu fram aal a yu sin dem.”

Jan 15:4

Tan wid mi, an mi wi tan wid unu. Wan branch kyaahn bier fruut pan it uon; it afi tan pan di chrii. A siem wie unu naa go kyan bier fruut ef unu no tan wid mi.

Aks 13:43

Afta di Juu dem choch uova, nof a di Juu dem an di piipl dem we did ton Juu fala Paal an Baanabas. Paal an Baanabas did a taak tu dem an a tel dem no fi tap chos Gad fi shuo dem lov iivn duo dem neva dizorv it.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 14:26

Di tuu a dem lef Ataliya an siel bak go a Antiyak. A Antiyak dem did lef fram afta di piipl dem we biliiv iina Jiizas did prie fi dem an sen dem fi go priich Gad wod tu ada piipl. Dem did aks Gad fi tek kier a dem an bles dem. Nou dat dem don di wok, dem kom bak tu di choch piipl we did sen dem out.

Aks 15:40

bot Paal pik Sailas an lef out afta di biliiva dem prie an aks di Laad fi tek kier a dem.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 20:32

“So nou mi a put unu iina Gad an, an lef unu wid di mesij bout ou Gad lov unu iivn duo wi no dizorv it. Da mesij de wi tek kier a unu an elp unu tan op chrang an gi unu aal wa Gad pramis fi gi aal a im piipl.

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Ruoman 12:8

Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Korintiyan 1:17

So wen mi plan dem chienj op an mi neva get fi kom bak kom si unu, a siiros unu tingk mi neva siiros bout di plan dem wa mi mek? Unu tingk se mi komiin laik di piipl dem we liv iina di worl we onggl du tingz fi elp demself an we se “Yes mi a kom” an siem taim se “Nuo mi naa kom”?

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

2 Timoti 3:10

Bot yu Timoti, yu fala wa mi tiich an yu fi liv yu laif laik ou mi liv fi mi laif. Yu nuo wa mi waahn fi du an wa mi biliiv iina. Yu si ou mi lov piipl an ou mi put op wid chobl an neva tap no mata wa.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

3 Jan 1:4

Notn no mek mi api so laik wen mi ier se mi pikni dem a liv ou di Laad se dem fi liv — azkaadn tu di chuut.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.