Aks 11:20 - Di Jamiekan Nyuu Testiment

²⁰ Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 11:20 ပူးပေါင်းရင်းမြစ်များ

Matyu 27:32

Wen dem a go we wid Jiizas, dem fain wan man fram Sairiin, we niem Saiman. Dem fuos im fi kyari Jiizas kraas.

Jan 7:35

Di Juu liida dem den se tu dem wan aneda se, “A we da man ya plan fi go so, dat wi naa go kyan fain im? A go im a-go go tu di Juu piipl dem we skyata skyata mongks di Griik piipl dem, so dat im kyan tiich di Griik piipl dem?

Aks 11:19

Afta di Juu dem kil Stiivn, sofarieshan tek di piipl dem we biliiv iina Jiizas an kaaz som a dem fi get skyata skyata. Dem skyata go klier a Foniisiya, Saipros, an Antiyak, an evriwe dem go dem priich di gud nyuuz, bot a onggl di Juu dem wan dem did a priich tu.

Aks 11:22

Nyuuz bout wa did a apm iina Antiyak riich di piipl dem iina Jeruusilem we biliiv iina di Laad, so di liida dem sen Baanabas go a Antiyak.

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 11:27

Roun dem siem taim de som prafit fram Jeruusilem kom dong a Antiyak.

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Aks 14:26

Di tuu a dem lef Ataliya an siel bak go a Antiyak. A Antiyak dem did lef fram afta di piipl dem we biliiv iina Jiizas did prie fi dem an sen dem fi go priich Gad wod tu ada piipl. Dem did aks Gad fi tek kier a dem an bles dem. Nou dat dem don di wok, dem kom bak tu di choch piipl we did sen dem out.

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:30

So afta dem sen aaf di man dem, dem go a Antiyak, gyada op aal a di piipl we biliiv iina Jiizas, an gi dem di leta.

Aks 17:18

Som tiicha we did bilang tu wan gruup we niem Epikyuuriyan an som we bilang tu wan neda gruup we niem Stowik did a aagyu wid Paal. An som ada wan aks, “A wa da likl bod-brien, mout-a-masi man ya a chat bout?” An som ada piipl ansa se, “It soun laik im a chat bout som kain-a gad we wi no nuo bout.” Dem se dat kaaz Paal did a priich di Gud Nyuuz bout Jiizas an ou Gad mek ded piipl kom bak alaiv.

Aks 18:22

an wen im riich a Sesuriiya, im go op a Jeruusilem go tel di choch piipl oudi. Den im lef go dong a Antiyak.

Aks 2:10

piipl we kom fram Frijiya, Pamfiliya, Iijip an di paat a Libiya we nier Sairiin; piipl we kom fram Ruom an jos a tan de likl,

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Aks 5:42

An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

Aks 6:1

Iina dem die de, di gruup a piipl we biliiv iina Jiizas did a gruo muo an muo. Di uman dem we a Juu an we taak di Griik langwij uufa ozban dem did ded, staat mombl anda di kwaiyat gens di uman dem we a Juu we onggl taak di Juu langwij an uufa ozban dem did ded tu. Dem did a mombl se dem neva did a get fi dem shier a di moni an fuud we dem did fi get a die taim.

Aks 6:5

Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.

Aks 6:9

Bot yu did av som man we kom fram di Choch fi di Piipl we get Frii (kaaz a so dem kaal demself). Som a dem kom fram Sairiin, Aligzanjriya, Silisiya an Iezha. Dem man ya staat fi aagyu wid Stiivn,

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.

Aks 8:5

Filip go dong a wan siti iina Samieriya an priich tu dem bout Krais Jiizas.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Aks 9:29

Im taak bout Jiizas an riizn wid di Juu dem we taak Griik. Bot dem chrai fi kil im.

1 Korintiyan 2:2

Kaaz mi did mek op mi main se wail mi did de de wid unu, mi wuda onggl priich bout Jiizas Krais an ou dem kil im pan di kraas.

Gyalieshan 2:11

Bot lieta wen Siifas did kom a Antiyak mi go gens im an tel im tu im fies se wa im did a du did rang.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.