Aks 11:12 - Di Jamiekan Nyuu Testiment

¹² Di Uoli Spirit tel mi fi go wid dem an no ich. Dem siks breda ya did go a Sesuriiya wid mi an aal a wi go iina Kaaniiliyos ous.

Aks 11:12 ပူးပေါင်းရင်းမြစ်များ

Aks 8:29

Di Spirit tel Filip se, “Gwaan go jain da bogi de an stie kluos tu it.”

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

2 Tesaluoniyan 2:2

no bada mek nobadi twis op unu ed an fraitn unu so dat unu kyaahn iivn tingk chriet. Nobadi! No mek no mesij we nobadi kliem se dem get fram di spirit an no faam a leta we kliem se it kom fram wi we a tel unu bout se: di die wen di Laad fi kom bak de ya aredi. No mek non a dat twis op unu ed. No biliiv non a dat!

Aks 10:23

Den Piita tek dem iina a di ous an put dem op fi di nait. Di neks die Piita, di man dem we did kom fi im, an som a di breda dem fram Japa ed out fi Kaaniiliyos yaad.

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

Aks 10:45

Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Jan 16:13

Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Aks 15:7

Afta dem did a aagyu fi wan gud wail, Piita get op an taak tu dem. Im se, “Mi breda, unu nuo ou lang taim a-go Gad pik mi fram mongks unu an yuuz mi fi tel di piipl we a no Juu di Gud Nyuuz so dem wuda biliiv iina Jiizas.

Aks 13:4

Di Uoli Spirit sen out di tuu a dem an dem lef go dong a Siluukiya an fram de-so dem siel go Saipros.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 11:13

Im tel wi ou im did si wan ienjel kom tu im iina im ous an tel im fi, ‘Sen som man go a Japa go kaal Saiman Piita.

Aks 28:15

Wen di breda an sista dem a Ruom ier bout wi, som a dem kom aal di wie a Apiyos Maakit, an som kom a di plies kaal Chrii In kom miit wi. Wen Paal si dem im tek aat an gi Gad tangks.