Aks 10:45 - Di Jamiekan Nyuu Testiment

⁴⁵ Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Aks 10:45 ပူးပေါင်းရင်းမြစ်များ

Aks 10:23

Den Piita tek dem iina a di ous an put dem op fi di nait. Di neks die Piita, di man dem we did kom fi im, an som a di breda dem fram Japa ed out fi Kaaniiliyos yaad.

Aks 11:2

So wen Piita go baka Jeruusilem, di biliiva dem we sorkomsaiz did tingk im rang an staat aagyu wid im.

Aks 11:3

Dem se tu im se, “Yu go a di ous a piipl we a no Juu an iit wid dem?”

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Gyalieshan 2:15

Wi baan Juu, wi no komiin laik di piipl dem we a no Juu we wi kaal sina kaaz dem no fala Muoziz Laa.

Ifiijan 2:11

“Piipl we no sorkomsaiz,” a dat di Juu dem kaal piipl we neva baan Juu. Di Juu dem kaal demself “piipl we sorkomsaiz,” kaaz fi dem faada sorkomsaiz dem wen dem sumaal, fi shuo se dem a Gad piipl. So memba