Aks 10:43 - Di Jamiekan Nyuu Testiment

⁴³ Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 10:43 ပူးပေါင်းရင်းမြစ်များ

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 26:22

Tu da die ya Gad a elp mi an so mi tan op infronta aal a unu, weda unu impuotant ar no impuotant, fi taak di chuut. Di siem ting wa Muoziz an di prafit dem did se a-go apm, a di siem ting mi a se.

Aks 3:16

A Jiizas powa mek da kripl man ya get beta. So wa unu si apm tide, onggl apm kaaz wi biliiv iina Jiizas. Unu kyan si fi unuself se a Jiizas powa mek im beta.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Ruoman 10:11

Jos laik Gad wod se, “Nobadi we put dem chos iina im a-go shiem,”

Ruoman 3:21

Bot nou Gad shuo wi ou im plan fi mek tingz rait bitwiin im an piipl. Da plan de no av notn fi du wid di Laa, (iivn duo di Laa an di prafit dem did taak bout da plan de). It no av notn fi du wid di Laa, so no chuu yu a fala di Laa dat miin se Gad a-go mek tingz rait bitwiin yu an im.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Gyalieshan 3:22

Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Koloshan 1:14

an we paadn wi sin dem an mek wi go frii.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

1 Piita 1:11

Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”