Aks 10:41 - Di Jamiekan Nyuu Testiment

⁴¹ A no evribadi did si im, onggl wi, di wan dem we Gad did pik fram wie bak wen — wi we iit an jringk wid im afta im kom bak alaiv.

Aks 10:41 ပူးပေါင်းရင်းမြစ်များ

Luuk 24:30

Im sidong a di tiebl wid dem. Jiizas tek bred, gi tangks, brok it an gi dem.

Luuk 24:48

Unu mos tel piipl bout evriting we apm.

Jan 14:17

Da sumadi de a di Spirit we shuo piipl di chuu sitn dem bout Gad. Di worliyan dem kyaahn tek im iin an mek im kanchuol dem laif, kaa dem no si im an dem no nuo im. Bot unu nuo im, kaaz im liv wid unu an a-go de insaida unu.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 14:22

Den Juudas — no Juudas Iskyariyat nou, wan neks man we niem Juudas tu — aks im se, “Bot, Laad, wa mek wi a-go kyan si yu, bot yu naa go mek di worliyan dem si yu?”

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:27

An unu fi tel piipl bout mi tu, kaa unu did de wid mi fram di staat.

Jan 21:13

So Jiizas kom, tek di bred an gi dem, an im du di sed ting wid di fish.

Aks 1:22

fram wen Jan did staat baptaiz tu di taim wen Gad tek im op a evn, wi niid wan a dem man de fi jain op wid wi an tel piipl se Jiizas kom bak alaiv.”

Aks 1:4

Wan a di taim wen im did a iit wid dem im tel dem se, “Tan a Jeruusilem an wiet fi wa mi Faada pramis fi gi unu, di siem sitn we mi did tel unu bout.

Aks 10:39

“Wi did si evriting we im du iina Jeruusilem an di res a Juu konchri dem. Dem niel im pan di kraas an kil im.

Aks 13:31

an difrant difrant taim fi kopl die wel Jiizas shuo imself tu di piipl dem we did kom wid im fram Gyalalii tu Jeruusilem. A dem siem piipl de a tel piipl bout im nou.