Aks 10:38 - Di Jamiekan Nyuu Testiment

³⁸ Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 10:38 ပူးပေါင်းရင်းမြစ်များ

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Iibruu 1:9

Yu lov wa rait, an yu iet wa no rait. A so kom mi, fi yu Gad, pik yu uova yu fren dem an mek yu wel api.

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Matyu 12:28

Bot ef a Gad gi mi powa fi ron out diiman, dat miin se Gad a ruul mongks unu aredi.

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

Jan 10:32

bot Jiizas se tu dem se, “Mi du nof powaful sitn we mi Faada tel mi fi du infronta unu yai. A wich wan a dem unu a stuon mi fa?”

Jan 16:32

“Unu luk! Di taim a kom — an it de ya aredi — wen aal a unu a-go skyata an go a unu yaad. Unu a-go lef mi wan. Bot mi no de pan mi uon, kaa mi Faada de ya wid mi.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Luuk 9:42

Wen di bwai did a kom tu Jiizas, di diiman fling im a grong an di bwai staat flata. Bot Jiizas aada di diiman fi kom out an im kyuor di bwai an gi im bak tu im faada.

Matyu 12:15

Bot Jiizas did nuo se dem a plan fi kil im an lef de-so. Wan bag a piipl fala im, an im get di uol a dem beta.

Maak 6:6

An im kudn biliiv ou di piipl dem neehn biliiv iina im. Den Jiizas go roun an tiich iina di dischrik dem.

Luuk 9:56

an so dem go a wan neda dischrik.

Aks 10:37

Unu nuo bout di big impuotant sitn dem we apm aal uova Judiya. It staat iina Gyalalii afta Jan priich tu di piipl an tel dem fi ton we fram dem sin an get baptaiz.

1 Jan 2:20

Krais Jiizas naint unu wid im spirit, so aal a unu nuo di chuut.

Matyu 9:19

An Jiizas an im falara dem get op an fala im.