Aks 10:35 - Di Jamiekan Nyuu Testiment

³⁵ bot enibadi, no mata wich konchri dem kom fram, ef dem worship im an aalwiez du we rait, im wi tek dem fi'im piipl.

Aks 10:35 ပူးပေါင်းရင်းမြစ်များ

Luuk 1:28

Di ienjel go tu Mieri an se tu ar se, “Mieri, mi av nyuuz we a-go mek yu wel api. Gad riili riili bles yu an im a waak wid yu aal di taim.”

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Ruoman 2:13

Kaaz Gad mek tingz rait bitwiin im an di piipl we ier di Laa an fala aal we it se, no wid di piipl dem we jos ier it bot naa fala it.

Ruoman 2:14

Di piipl we a no Juu, dem neva get Gad Laa, so dem no nuo wa di Laa se. So wen dem du di sitn dem we di Laa se piipl fi du, dat shuo se dem nuo wa rait fram wa rang.

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Ifiijan 1:6

Im du aal dem sopm ya so dat wi wuda priez im fi ou im gud an kain tu wi. An im shuo wi ou im gud an kain tu wi wen im sen Jiizas tu wi.

Ifiijan 5:21

Kaaz unu av nof rispek fi di Laad Jiizas, unu fi ombl unuself an lisn tu unu wan aneda.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

1 Jan 2:29

Unu nuo se Krais Jiizas du we rait aal di taim, an dat evribadi we du rait a Gad pikni.