Aks 10:33 - Di Jamiekan Nyuu Testiment

³³ So mi sen fi yu siem taim, an mi riili api se yu nais inof fi kom. Gad de ya wid wi an aal a wi wel waahn fi ier evriting we Gad tel yu fi tel wi.”

Aks 10:33 ပူးပေါင်းရင်းမြစ်များ

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Gyalieshan 4:14

An iivn duo mi siknis did mek tingz aad fi unu, unu neva kin op unu nuoz pan mi ar ton unu bak pan mi. Insted-a dat unu welkom mi laik ou unu wuda welkom wan ienjel fram Gad ar laik ou unu wuda welkom Jiizas Krais.

Jiemz 1:21

So unu fi get rid a aal a di naasi an torbl sitn dem we so nof bout di plies. Ombl unuself an tek iin di mesij we Gad put iina unu aat we kyan siev unu laif.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

Aks 28:28

“So mi waahn unu fi nuo se Gad mesij bout ou im a-go siev piipl a-go go tu di piipl dem we a no Juu. Dem wi lisn!”

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Matyu 18:4

Bot ef unu ombl unuself laik da lili pikni ya, den a unu a-go bi tap-a-tap iina Gad kindom.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

Matyu 19:30

Bot nof a uu de a front nou a-go de a bak, an uu de a bak a-go de a front.”

Aks 10:32

Nou sen som man go a Japa fi wan man niem Saiman, we dem kaal Piita. Im a stie a Saiman yaad, di wan we mek leda an we liv a di sii-said.’

Aks 10:34

Den Piita staat taak tu dem. Im se, “Nou mi riili andastan se Gad no paashal,