Aks 10:28 - Di Jamiekan Nyuu Testiment

²⁸ So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 10:28 ပူးပေါင်းရင်းမြစ်များ

Jan 4:9

So nou, di Samaritan uman se tu Jiizas se, “Yu a wan Juu an mi a wan Samaritan uman. Ou yu fi de aks mi fi gi yu waata fi jringk?” (Shi se so, kaa di Juu dem neehn miks an minggl wid Samaritan piipl.)

Aks 11:9

“Den di vais fram evn se tu mi di sekan taim se, ‘No tek notn we Gad mek kliin an se it doti an no gud fi iit.’

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 4:27

Siem taim nou, Jiizas falara dem kom bak an dem shak fi fain im a taak tu wan uman. Bot nobadi neva se tu ar, “A wa yu waahn?” an non a dem neva aks im se, “A wa mek yu a taak tu ar?”

Luuk 18:11

Di Farisii tan op an prie bout imself se ‘Gad, mi tangk yu dat mi no tan laka ada piipl we tiif, brok di Laa, sliip wid piipl dem no marid tu, ar iivn laik da taks kalekta ya.

Maak 7:2

An dem si se som a Jiizas falara dem nyam dem fuud an dem neva wash dem an.

Aks 10:29

So wen yu sen kom kaal mi, mi neva aks no kwestiyan, mi jos kom. So nou dat mi de ya, tel mi wa mek yu sen fi mi?”