Aks 1:8 - Di Jamiekan Nyuu Testiment

⁸ Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 1:8 ပူးပေါင်းရင်းမြစ်များ

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Luuk 1:35

Di ienjel ansa ar se, “Di Uoli Spirit a-go kom tu yu an di powa a di Muos Ai a-go toch yu. Im a-go bi Gad uoli pikni.

Luuk 10:19

Mi gi unu di powa fi waak pan siniek an skaapiyan. Mi gi unu powa, muor powa dan we di enimi av. Notn bad kyaahn du unu.

Luuk 24:29

Bot dem beg im, “Luk di die aalmuos don, an nait a kom, so tan wid wi.” So Jiizas tan wid dem.

Jan 15:27

An unu fi tel piipl bout mi tu, kaa unu did de wid mi fram di staat.

Aks 1:22

fram wen Jan did staat baptaiz tu di taim wen Gad tek im op a evn, wi niid wan a dem man de fi jain op wid wi an tel piipl se Jiizas kom bak alaiv.”

Aks 1:5

Kaaz Jan baptaiz piipl wid waata, bot kopl die fram nou Gad a-go baptaiz unu wid di Uoli Spirit.”

Aks 13:31

an difrant difrant taim fi kopl die wel Jiizas shuo imself tu di piipl dem we did kom wid im fram Gyalalii tu Jeruusilem. A dem siem piipl de a tel piipl bout im nou.

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 22:15

Im du dat kaaz im waahn yu fi go tel piipl evriwe wa yu si an wa yu ier.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

Aks 4:33

Di apasl dem kip aan tel piipl iina wan powaful wie bout ou Jiizas kom bak alaiv, an ou Gad shuo dem nof nof lov, iivn duo dem no dizorv it.

Aks 5:32

Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Aks 6:8

Stiivn a did wan man we Gad did a yuuz fi du som powaful mirikl an sain mongks di piipl.

Aks 8:1

An Saal did de de an im did biliiv se dem did rait fi kil Stiivn. Da die de wan torbl sofarieshan tek di choch iina Jeruusilem. An aal a di biliiva dem did get skyata skyata aal uova Judiya an Samieriya. Onggl di apasl dem neva get skyata skyata.

Ruoman 10:18

So mek mi aks unu sopm, di Juu dem, dem neva ier? Dem no mos did ier! It rait iina Gad wod se, “Fi dem vais riich evri paat a di ort, an piipl aal uova di worl ier di wod we dem priich.”

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.