Aks 1:7 - Di Jamiekan Nyuu Testiment

⁷ Im se tu dem se, “A onggl mi Faada wan av di powa fi disaid wen dat a-go apm. An im no lou unu fi nuo dat.

Aks 1:7 ပူးပေါင်းရင်းမြစ်များ

Matyu 20:23

So Jiizas se tu dem se, “Unu wi sofa ye; mmhm — unu wi jringk mi kop, bot fi sidong a mi rait-an-said an mi lef-an-said, a no mi wok out da wan de. Kaaz dem pozishan de don put op aredi fi di wan dem we mi Faada se fi get dem.”

Matyu 24:36

“Nobadi no nuo di die an di taim wen aal a dem sitn de a-go apm, nobadi no nuo a wen, no iivn di ienjel dem iina evn — onggl Faada Gad wan nuo dat.

Maak 10:40

bot fi sidong pan mi rait-an-said ar mi lef-an-said, a no fi mi fi gi we, kaaz dem pozishan de don put op fi di wan dem uu fi get dem aredi.”

Maak 13:32

“Nobadi no nuo di die ar di taim wen aal a dem sitn de a-go apm, no iivn di ienjel dem iina evn ar di Faada Bwai Pikni nuo, a onggl Faada Gad wan nuo dat.

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

Aks 17:26

Gad mek wan man fos an aal di ada chraib a piipl iina di worl kom fram da wan man de. An iivn bifuo im mek dem, Gad mek op im main wen an wich paat a di ort dem a-go liv.

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

1 Timoti 6:15

Gad we di piipl priez an uu a di onggl chuu ruula, di Laad an King uova evribadi, wi sen bak Jiizas wen im redi.

2 Timoti 3:1

Bot nuo dis, iina di laas die dem tingz a-go get aad aad.