Aks 1:17 - Di Jamiekan Nyuu Testiment

¹⁷ Jiizas did pik Juudas fi bi wan a im apasl an so im a did wan a wi.”

Aks 1:17 ပူးပေါင်းရင်းမြစ်များ

Matyu 10:4

Di ada wan dem did a Saiman, we did a wok aad fi frii im piipl dem, an Juudas Iskyariyat, di wan we did sel out Jiizas.

Maak 3:19

an Juudas Iskyariyat, di wan we sel out Jiizas.

Luuk 22:47

Wen Jiizas did stil a taak, aal av a sodn wan kroud kom dong. Wan a Jiizas twelv apasl dem, di wan we niem Juudas, did a liid dem. Im go fi kis Jiizas,

Luuk 6:16

Juudas (Jiemz bwai pikni), an Juudas Iskyariyat, di wan we sel out Jiizas.

Jan 17:12

Wen mi did de mongks dem, mi yuuz yu powa fi gyaad an kip dem sief — di powa we yu did gi mi. Non a dem neehn laas, onggl di wan we did baan fi ded an go a el. An dis ya apm so dat wa Gad wod se wuda kom chuu.

Aks 1:25

fi tek uova di apasl wok we Juudas did av. Kaaz Juudas get wa im dizorv.”

Aks 12:25

Afta Baanabas an Saal don wa dem did go a Jeruusilem fi du, dem lef an tek Jan Maak wid dem.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 21:19

Afta Paal go iin an tel dem oudi, im staat tel dem evriting wa Gad did a du siek-a fi im wok mongks di piipl we a no Juu.

2 Korintiyan 4:1

Gad, chuu im gud an kain, gi wi da wok ya fi du, an so wi naa gi op.

2 Korintiyan 5:18

Aal a dem sitn ya, a Gad du dem. A im sen Jiizas fi ded fi wi an mek tingz rait bitwiin wi an im. An a Gad sen wi fi tel piipl se im mek wan wie fi dem mek tingz rait wid im.