Aks 1:14 - Di Jamiekan Nyuu Testiment

¹⁴ Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Aks 1:14 ပူးပေါင်းရင်းမြစ်များ

Matyu 12:46

Wen Jiizas did de de a chat tu di kroud a piipl dem, im mada an breda dem kom tan op outsaid a aks fi chat tu im.

Matyu 21:22

An eniting we unu prie an aks Gad fa, ef unu biliiv se im gu'unu, unu wi get it.”

Matyu 27:55

Uol iip a uman did tan op forda out a wach we a gwaan. Dem did kom wid Jiizas fram Gyalalii an did a luk aafa im.

Maak 15:40

Som uman did tan op forda out a wach wa a gwaan. Uman laik Mieri Magdaliin, Mieri we a Jiemz an Juozif mada (Jiemz did yongga dan Juozif), an Saluomi did de de tu.

Maak 16:1

Afta di Sabat, Mieri Magdaliin, Mieri Jiemz mada, an Saluomi bai som swiit spais fi go naint Jiizas badi.

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Luuk 18:1

Den Jiizas tel im speshal falara dem da tuori ya fi shuo dem se dem fi aalwiez prie an no gi op.

Luuk 23:49

Bot di piipl dem we nuo Jiizas, an di uman dem we fala im fram Gyalalii, tan wan said a wach.

Luuk 23:55

Di uman dem we kom wid Jiizas fram Gyalalii fala Juozif an si di tuum an ou Jiizas badi did pudong iina it.

Luuk 24:10

Nou a did Mieri Magdaliin, Juowana, Mieri we a Jiemz mada, an di ada uman dem, uu did tel di apasl dem wa dem si.

Luuk 24:33

Dem get op an go baka Jeruusilem siem taim. An dem fain di Ilevn an dem we did gyada wid dem

Luuk 24:53

An dem eva de a Gad ous a priez im.

Luuk 8:20

So sumadi tel Jiizas se, “Yu mada an breda dem tan op outa duor a wiet fi si yu.”

Aks 2:1

Wen Pentikas die kom, aal a di piipl we biliiv iina Jiizas did gyada op iina di siem plies.

Aks 2:42

Di piipl dem we biliiv Piita mesij spen di uol a dem taim a lorn fram di apasl dem, shier wa dem av wid wan aneda, iit tugeda an prie tu Gad tugeda.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 6:4

an fi wi wok wi bi fi prie an pred Gad mesij bout Jiizas.”

Ruoman 12:12

Wail unu wiet fi di sitn dem we Gad pramis fi gi unu, unu mos api kaaz unu nuo se unu a-go get it. Wen chobl tek unu, unu no fi gi op bot unu mos gwaan uol chrang an unu fi prie aal di taim, neva tap.

1 Korintiyan 14:13

So di piipl dem we a taak iina tongz shuda prie an aks Gad fi mek dem andastan wa dem a se.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Koloshan 4:2

No tap prie. Unu fi wach out an get unu main redi fi akshan an gi Gad tangks wen unu a prie.