Aks 1:10 - Di Jamiekan Nyuu Testiment

¹⁰ Dem did stil a luk iina di skai wen Jiizas did a go op, wen aal av a sodn tuu man we jres iina wait kluoz kom tan op saida dem

Aks 1:10 ပူးပေါင်းရင်းမြစ်များ

Matyu 17:2

Aal av a sodn Jiizas staat fi chienj rait infronta dem. Im fies staat shain laik di son an im kluoz ton wait wait laik lait.

Matyu 28:3

Im did luk brait laka laitnin an im kluoz did wait laik sunuo.

Maak 16:5

Wen dem go iina di tuum, dem shak fi si wan yong man we av aan wan wait jakit sidong pan di rait-an-said.

Luuk 24:4

Siem taim wen dem a wanda wa apm, tuu man iina kluoz we brait laik lait kom tan op saida dem.

Jan 20:12

Shi si tuu ienjel iina wait kluoz sidong wich paat Jiizas badi did de — wan we im ed did de an di ada wan we im fut did de.

Aks 10:3

Wan die roun chrii aklak, Kaaniiliyos get wan vijan. Iina im vijan im si wan a Gad ienjel kom tu im. Di ienjel se tu im se, “Kaaniiliyos!”

Aks 10:30

Kaaniiliyos se tu im se, “Fuo die ago, siem chrii aklak iina di die ya, mi did de iina mi ous a prie. Aal av a sodn mi si wan man iina som brait brait kluoz a tan op infronta mi.

Revilieshan 3:4

Bot unu av som piipl mongks unu iina Saadis we kip dem kluoz kliin — dem naa liv iina sin. An dem piipl de a-go jres op iina wait kluoz an waak wid mi kaaz dem liv ou Gad waahn dem fi liv.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.