3 Jan 1:8 - Di Jamiekan Nyuu Testiment

⁸ So wi afi kain tu dem breda an sista ya, tek dem iin, luk aafa dem, an wok wid dem fi pred di Gud Nyuuz.

3 Jan 1:8 ပူးပေါင်းရင်းမြစ်များ

Matyu 10:14

An ef nobadi no waahn tek unu iin ar lisn wa unu a se, shiek aaf di dos aafa unu fut wen unu a lef da ous de ar wen unu a lef da toun de.

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Luuk 11:7

“An wa ef im fren tan iina im ous an se, ‘No bada mi man. Mi duor lak aredi, an mi an mi pikni dem gaan a bed. Mi kyaahn get op an gi yu notn nou.’

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

2 Korintiyan 8:23

Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.

Filipiyan 4:3

An mi a beg unu, mi gud gud fren we aalwiez elp mi iina mi wok fi di Laad, elp dem uman ya we aalwiez tan op chrang wid mi an elp mi pred di Gud Nyuuz. Elp Klement an aal a Gad piipl we wok wid mi tu. Dem niem rait dong iina Gad buk we av di niem a evribadi we Gad a-go mek liv fi eva.

Koloshan 4:11

An Jiizas, we piipl kaal Jostos, im sen oudi tu. Dem chrii man ya a di onggl Juu we a wok wid mi fi get piipl fi staat fala Gad an tek im fi dem king an mek im ruul uova dem. An bwai, dem elp an push mi uol iip.

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,

Failiiman 1:2

wi sista Afiya, Aakipos we a suoja laik wi an tu aal a di piipl dem we gyada iina yu yaad fi av choch.

Failiiman 1:24

Maak, Ieristaakos, Diimas an Luuk, we wok wid mi, sen oudi fi yu tu.

3 Jan 1:10

So wen mi kom, mi a-go mek evribadi nuo bout di wikid lai dem wa im a tel pan mi. Bot a no onggl dat im du, im ton we di breda an sista dem we kom a di choch an chriit dem riil bad. An di ada breda an sista dem iina di choch we kain tu di wan dem we a priich Gad mesij, Daiyachrofiiz chriit dem riil torbl tu, an ron dem outa di choch.

3 Jan 1:7

Wen dem lef fi go luk bout Krais Jiizas bizniz, dem neehn tek notn fram di worliyan dem.

3 Jan 1:9

Mi rait wan leta tu di choch, bot Daiyachrofiiz uu lov fi big op imself, no waahn av notn fi du wid mi.