3 Jan 1:6 - Di Jamiekan Nyuu Testiment

⁶ Dem tel di choch ou yu lov dem. So mi a beg yu, sen dem pan dem wie jos laik ou yu nuo Gad wuda waahn yu fi du.

3 Jan 1:6 ပူးပေါင်းရင်းမြစ်များ

Aks 15:29

Unu no fi nyam no fuud we piipl tek bon sakrifais gi faalz gad, no nyam ar jringk no blod, no nyam miit fram animal we eng ar we blod neva bliid out wen dem ded. Unu fi kip we fram aal saat a seks sin. Ef unu kip we fram aal a dem sitn de, unu a du di rait ting. Unu tek kier.

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 21:5

An wen a did taim fi wi lef dem, wi shub out agen. Aal a dem wid dem waif an pikni fala wi outa di siti. Afta wi go dong pan wi nii an prie pan di biich,

Ruoman 15:24

Wen mi a go a Spien, mi uop se mi kyan paas chuu an si unu an dat afta mi spen likl taim wid unu, unu wi elp mi fi go we mi a go.

2 Korintiyan 1:16

an so unu kuda elp wi fi go a Masiduoniya. An den wen wi lef Masiduoniya wi did plan fi kom bak kom luk fi unu so dat unu kuda elp wi fi go a Judiya.

Filipiyan 4:14

Bot a gud sitn unu did du wen unu did elp mi wen mi did a go chuu mi chobl.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

Taitos 3:13

Du aal we yu kyan du fi elp Ziinas di laaya an Apalos. Mek shuor se wen dem redi fi lef de, dem av aal we dem niid.

1 Piita 2:20

So unu get wan biitn an unu bier it kaaz unu du sitn rang. Wa big iina dat? Bot ef unu sofa siek-a sopm gud wa unu du, an unu bier di sofarieshan, nou a dat Gad a-go bles.

3 Jan 1:12

Evribadi av gud sitn fi se bout Dimiichriyos, dem kyan si se im riili a liv ou di Laad se im piipl fi liv. Wi taak gud bout im tu, an yu nuo se wi no tel lai.