3 Jan 1:10 - Di Jamiekan Nyuu Testiment

¹⁰ So wen mi kom, mi a-go mek evribadi nuo bout di wikid lai dem wa im a tel pan mi. Bot a no onggl dat im du, im ton we di breda an sista dem we kom a di choch an chriit dem riil bad. An di ada breda an sista dem iina di choch we kain tu di wan dem we a priich Gad mesij, Daiyachrofiiz chriit dem riil torbl tu, an ron dem outa di choch.

3 Jan 1:10 ပူးပေါင်းရင်းမြစ်များ

Luuk 6:22

Gad bles aal a unu we piipl iet, we dem lef out, disrispek an kaal aal saat a niem an se unu wikid, kaaz unu fala di Man we Gad Pik.

Jan 9:22

(Di man mada an faada se so chuu dem did fried a di Juu liida dem, kaa di liida dem did don mek op dem main se enibadi we biliiv an se dat Jiizas a di Krais wuda get put outa di Juu dem choch.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

2 Korintiyan 13:2

Laas taim mi did de de, dat a did di sekan taim mi kom luk fi unu, mi did waan unu. Mi did tel di piipl dem we did a du rang, an di res a unu tu fi tap it. Tap du rang kaaz wen mi kom bak mi naa go tek it iizi pan unu. Evribadi we du rang a-go get ponish. A dat mi did tel unu wen mi de de an nou iivn duo mi de faar fram unu, mi a tel unu agen.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.

2 Jan 1:12

A nof sitn mi av fi tel unu, bot mi no waahn rait dem wid pen an piepa. Mi suun kom luk fi unu so wi kyan taak fies tu fies, dat wi mek wi riili api.

3 Jan 1:3

Mi did riili api wen som a di breda an sista dem kom luk fi mi an tel mi ou yu tan op chrang fi di chuut.

3 Jan 1:5

Mi fren, wen yu tek kier a Jiizas sorvant dem, aal di wan dem we yu neva nuo, dat shuo se Gad kyan dipen pan yu.